بۇگىن تاڭەرتەڭ رەسپۋبليكالىق «كوكشەتاۋ-پەتروپاۆل» تراسساسىندا DAF جۇك ماشيناسى مەن Hundai جەڭىل ماشيناسى بەتپە-بەت سوعىسىپ, ۇلكەن اپات بولدى. وقيعا وسى تراسسانىڭ بويىنداعى «رۋبلەۆكا» اۋىلىنىڭ تۇسىندا بولعان دەپ حابارلايدى Egemen.kz.
جۇك ماشيناسىنا ۇلكەن شىعىن كەلتىرىلگەن جوق, ال جەڭىل ماشينانىڭ ساۋ-تامتىعى قالماعان. ءبىر عاجابى جۇرگىزۋشى ايەل ءتىرى. ونى قۇتقارۋشىلار توبى ابدەن مايىسىپ قالعان ءاۆتوموبيلدىڭ سالونىنان زورعا الىپ شىعىپ, جەدەل جاردەم بريگاداسىنىڭ قولىنا تاپسىردى. الايدا جۇرگىزۋشىنىڭ كوپ جاراقاتتار العانى كورىنىپ تۇر, قازىر ول رەانيماتسيا بولىمىنە جاتقىزىلعان.
جول اپاتى وسى ماشينانىڭ قارسى بەتكە شىعىپ كەتۋىنىڭ سالدارىنان بولعان دەگەن الدىن الا تۇجىرىم جاسالعان.
سولتۇستىك قازاقستان وبلىسى