26 قاراشا كۇنى تاڭعى 07:15-تە تجم «سەيسمولوگيالىق زەرتتەۋ ينستيتۋتى» جشس سەيسميكالىق ستانتسيالار جەلىسى قازاقستان اۋماعىندا جەر سىلكىنىسىن تىركەدى, دەپ حابارلايدى Egemen.kz.
مينيسترلىكتىڭ مالىمەتىنە سايكەس, جەر سىلكىنىسىنىڭ وشاعى الماتى قالاسىنان سولتۇستىك-شىعىسقا قاراي 160 شاقىرىم جەردە ورنالاسقان. جەتىسۋ وبلىسىنىڭ سارىوزەك اۋىلىندا جەر سىلكىنىسى شامامەن 2 بالل دەڭگەيىندە سەزىلگەن.
ازىرگە زارداپ شەككەندەر مەن قيراۋلار تۋرالى اقپارات تىركەلگەن جوق.