ۇلتتىق بانكتىڭ مالىمەتىنشە, قازان ايىندا قازاقستانداعى جىلدىق ينفلياتسيا تاعى ءبىرشاما باسەڭدەپ, 12,6%-دى قۇرادى. قازان ايىندا ون وڭىردە باعا ءوسىمى باياۋلاپ, التى وڭىردە كەرىسىنشە جەدەلدەپ جانە تاعى تورتەۋىندە وزگەرىسسىز قالعان, دەپ حابارلايدى Egemen.kz.
ازىق-ت ۇلىك تاۋارلارىنىڭ جىلدىق قىمباتتاۋى 13,5%-عا جەتكەن. وتكەن ايدا – 12,7%. ەڭ قاتتى ءوسىم ۇلىتاۋ وبلىسىندا بايقالعان, مۇندا ازىق-ت ۇلىك باعاسى ءبىر جىلدا 16,7%-عا كوتەرىلگەن. ال, ەڭ تومەنگى ءوسىم الماتى قالاسىندا تىركەلدى – 10,4%.
ازىق-ت ۇلىككە جاتپايتىن تاۋارلار باعاسى دا جىلدىق ماندە 11,0%-عا ءوستى. اقتوبە وبلىسىندا اتالعان تاۋارلاردىڭ ەڭ جوعارى قىمباتتاۋى بايقالسا (14,0%), الماتىدا ەڭ تومەن ءمان تىركەلدى (8,5%).
اقىلى قىزمەتتەر نارىعىندا كەرىسىنشە باياۋلاۋ بايقالدى: قازان ايىندا قىزمەتتەردىڭ جىلدىق ءوسىم قارقىنى 12,9%-عا دەيىن تومەندەدى. كەي وڭىرلەردە, ماسەلەن, قىزىلوردا وبلىسىندا باعا ءوسىمى رەسپۋبليكالىق مەجەدەن تومەن بولدى – 8,6%.
جالپى قازاندا رەسپۋبليكالىق دەڭگەيدە ايلىق ينفلياتسيا 0,5%-دى قۇرادى.