حالىقارالىق Veon كومپانياسى قازاقستاندا تسيفرلىق ەكوجۇيە قالىپتاستىرۋعا كىرىستى. Bloomberg اگەنتتىگىنىڭ مالىمەتىنشە, كومپانيا قازىردىڭ وزىندە OLX Group-تىڭ ەلىمىزدەگى بولىمشەسىن ساتىپ الۋ جونىندە كەلىسىمگە كەلگەن. ەندىگى ماقسات – Kaspi.kz سياقتى ءىرى فينتەح كومپانياسىمەن, سونداي-اق «ياندەكس» باسقارۋىنداعى جەرگىلىكتى تاكسي سەرۆيستەرىمەن باسەكەگە ءتۇسۋ, دەپ حابارلايدى Egemen.kz.
Veon باس ديرەكتورى كاان تەرزيوگلۋنىڭ ايتۋىنشا, كومپانيا ءوز بيزنەسىن ءداستۇرلى ينفراقۇرىلىمنان تسيفرلىق قىزمەتتەرگە دەيىن ارتاراپتاندىرۋعا نيەتتى. قازىرگى تاڭدا Veon جالپى تابىسىنىڭ 18 پايىزىن تسيفرلىق باعىتتان تابادى, ال ءۇش جىل ىشىندە بۇل كورسەتكىشتى 50 پايىزعا دەيىن ارتتىرۋدى كوزدەپ وتىر.
قازاقستاندا Veon كومپانياسى Simply پلاتفورماسى ارقىلى قارجىلىق قىزمەتتەرىن ۇسىنىپ كەلەدى. تەرزيوگلۋدىڭ سوزىنشە, تاكسي مەن جەتكىزۋ قىزمەتىن ىسكە قوسۋ ءۇشىن الداعى 12 ايدا قالا تاڭدالىپ, جوبانىڭ العاشقى كەزەڭى باستالادى.
بۇعان قوسا, وتكەن اپتادا Beeline Kazakhstan (Veon ەنشىلەس كومپانياسى) Starlink Direct to Cell جوباسىمەن كەلىسىمگە كەلگەنى بەلگىلى بولدى. وسى سەرىكتەستىك ارقىلى 2026 جىلدان باستاپ قازاقستان تۇرعىندارى سپۋتنيكتىك بايلانىس ارقىلى حابارلاما جىبەرە الادى, ال كەيىنىرەك جاھاندىق جەلىگە تىكەلەي قوسىلۋ مۇمكىندىگى پايدا بولادى.