قازاقستاندا 18 قاراشادان باستاپ ۇيالى بايلانىس وپەراتورلارىنا جالعان قوڭىراۋلار مەن SMS حابارلامالاردى اۆتوماتتى تۇردە انىقتاۋعا جانە بۇعاتتاۋعا مۇمكىندىك بەرەتىن جاڭا ەرەجە كۇشىنە ەنەدى. ءتيىستى بۇيرىققا ونەركاسىپ جانە قۇرىلىس مينيسترلىگى قول قويدى, دەپ حابارلايدى Egemen.kz.
ۇيالى بايلانىس وپەراتورلارى ەندى جالعان نومىرلەردەن, GSM شليۋزدەرىنەن جانە SIM-بوكستاردان جىبەرىلگەن قوڭىراۋلار مەن حابارلامالاردى باقىلاۋ ءۇشىن كىرىكتىرىلگەن الاياقتىققا قارسى جۇيەلەردى پايدالاناتىن بولادى.
جۇيە قالاي جۇمىس ىستەيدى:
وپەراتور كۇدىكتى قوڭىراۋلار مەن SMS-ءتى تىركەيدى; مۇنداي جاعدايلار بويىنشا دەرەكتەردى ۇلتتىق بانكتىڭ الاياقتىققا قارسى ورتالىعىنا, سونىڭ ىشىندە ابونەنت تۋرالى اقپاراتتى (تولىق اتى-ءجونى, جسن جانە تەلەفون نومىرلەرى) جىبەرىلەدى; ەكى كۇن ىشىندە تەكسەرۋ جۇرگىزىلەدى; الاياقتىق دەرەگى راستالسا, ابونەنتتىڭ بايلانىس قىزمەتتەرى ۋاقىتشا بۇعاتتالادى.ايتا كەتەيىك, جاڭا ەرەجەگە سايكەس, ءبىر ادامعا 10 SIM-كارتادان ارتىق راسىمدەۋگە بولمايدى.
جاڭا جۇيە وپەراتورلار مەن ۇلتتىق بانك انتيفرود-ورتالىعى اراسىنداعى بىرىڭعاي ارەكەت ەتۋ مەحانيزمىن قالىپتاستىرىپ, پايدالانۋشىلاردى قورعاۋدى كۇشەيتەدى جانە تەلەفون الاياقتىق تاۋەكەلدەرىن ازايتادى.