«Egemen Qazaqstan» گازەتىنىڭ بيىلعى 23 مامىر كۇنگى №95 (31075) سانىندا «وراسان ويدىڭ ولجاسى نەمەسە ءبىر دانا كىتاپ تۋرالى» اتتى ماقالا جارىق كورگەن ەدى. اتالعان جاريالانىمدا ولجاس سۇلەيمەنوۆ تۋرالى تانىمدىق كىتاپتىڭ بار بولعانى ءبىر دانامەن جارىق كورگەنى جازىلعان بولاتىن.
«وراسان ويدىڭ ولجاسى» اتتى بۇل كىتاپقا حالىق جازۋشىسى, قازاقستاننىڭ ەڭبەك ەرى, مەملەكەتتىك سىيلىقتىڭ لاۋرەاتى, كلاسسيك اقىن ولجاس سۇلەيمەنوۆتىڭ شىعارماشىلىعى مەن قايراتكەرلىگىنە قاتىستى بەلگىلى اقىن-جازۋشىلاردىڭ, ادەبيەت زەرتتەۋشىلەردىڭ جازعان ەڭبەكتەرى توپتاستىرىلعان. قايسار اقىننىڭ بولمىسىن كوپكە تانىتاتىن قۇندى ەڭبەكتى قازاقتىڭ ايماڭداي اقىن قىزى, بەلگىلى عالىم جانات اسكەربەكقىزى مەن «Egemen Qazaqstan» گازەتىنىڭ الەۋمەت جانە سپورت ءبولىمىنىڭ مەڭگەرۋشىسى جومارت وسپان قۇراستىرعان.
ولجاس سۇلەيمەنوۆ ولەڭدەرىن ورىس تىلىندە جازعانىمەن, ۇلتتىڭ رۋحىن الەمگە تانىتتى. يۋري گاگارين عارىشقا ۇشقاندا اقىننىڭ قالامىنان تۋعان «ادامعا تابىن, جەر, ەندى!» پوەماسى دۇنيەنى ءدۇر سىلكىندىردى. ءتىلتانۋشى عالىم رەتىندە كونە تۇركى ءتىلىن زەرتتەپ, باتىس عالىمدارىنىڭ قاساڭ تەوريالارىنا سوققى بەردى. ولجاس سۇلەيمەنوۆتىڭ «ازيا» كىتابىنا «ۇلتشىلدىق», «پانتيۋركيزم» سياقتى ايىپتار تاعىلىپ, 8 جىل بويى جارىق كورمەۋى, 1986 جىلعى جەلتوقسان كوتەرىلىسى كەزىندە اقىندى جاستاردىڭ ىزدەۋى اقىن تۇلعاسىنىڭ ۇلت ءۇشىن اسقاق ەكەنىنىڭ ايعاعى.
وسىنداي تۇلعا تۋرالى ءابىش كەكىلباەۆتىڭ «جىر مەرەيى», سايىن مۇراتبەكوۆتىڭ «حالقىن اسقاقتاتقان اقىن», مىرزاتاي جولداسبەكوۆتىڭ «ەلىنىڭ ەلشىسى, ۇلتىنىڭ ۇياتى», مۇرات اۋەزوۆتىڭ «ماڭگىلىك دەمى – ءتاڭىردىڭ لەبى», نۇرلان ءورازاليننىڭ «پرومەتەيتەكتى تۇلعا», تۇرسىن جۇرتبايدىڭ «ۇلتىنىڭ كوك سەمسەرى», اسقار ەگەۋباەۆتىڭ «عارىش پوەزياسى», ساۋىتبەك ابدراحمانوۆتىڭ «ەر», سەيداحمەت قۇتتىقادامنىڭ «ولجاس فەنومەنى نەمەسە رۋح قۇيىنى», دارحان قىدىرالىنىڭ «بىلگە اقىن» سىندى قىرىققا جۋىق قالامگەردىڭ تانىمدىق ەسسەلەرى مەن سۇحباتتارى ەنگەن ەڭبەكتى اۆتورلار ءتۇرلى باسپاعا ۇسىنعانىمەن, وكىنىشكە قاراي, كىتاپتى باسىپ شىعارۋعا ىنتالى جاناشىر ازاماتتار تابىلماعان.
قانشاما ارحيۆ اقتارىپ, تەر توگىپ ەڭبەكتەنگەن اۆتورلار ولجاستاي اقىننىڭ بەكزات بولمىسى مەن ازاماتتىق اسقاق تۇلعاسىن جان-جاقتى تانىتاتىن كىتاپتى ءبىر دانامەن شىعارىپ, ول تۋرالى ەل گازەتى «ەگەمەنگە» ماقالا جاريالاعان ەدى. بۇل ماتەريال سول ساتىندە وقىرمان تاراپىنان رەزونانس تۋعىزىپ, رەداكتسيامىزعا بىرنەشە ازامات حابارلاستى. سولاردىڭ ءبىرى بەلگىلى جۋرناليست, «Egemen Qazaqstan» گازەتىنىڭ بۇرىنعى باس رەداكتورى جانبولات اۋپباەۆ بىلەك سىبانا ىسكە كىرىسىپ, كىتاپتىڭ قالىڭ وقىرمانعا جەتۋىنە بارىن سالعان.
– «وراسان ويدىڭ ولجاسى» اتتى كىتاپ قۇراستىرىپ شىققان سوڭ, بىرقاتار ازاماتقا, اقىن-جازۋشى اعالارىمىزعا كورسەتتىك. ءتۇرلى باسپاعا ۇسىنىپ تا كوردىك. بىراق كوپ ازامات تالابىمىزدى قۇپتاعانمەن, باسىپ شىعارۋعا ىنتالى بولا قويمادى. اركىمنەن قارجى سۇراپ, سۇرامساقتانۋ ىڭعايسىز بولعاندىقتان, ءوز قارجىمىزعا ءبىر دانا كىتاپ شىعارىپ, گازەتكە ماقالا جازدىق. ماتەريال جاريالانىسىمەن تالاي ازامات حابارلاسىپ, جاناشىرلىق تانىتتى. سولاردىڭ ءبىرى – قالامگەر جانبولات اۋپباەۆ اعامىز. ول كىسى ء«ۇش قيان» باسپاسىنىڭ ديرەكتورى ماحمۇت قوسمامبەتوۆكە قولقا سالىپ, «وراسان ويدىڭ ولجاسى» اتتى كىتابىمىزدىڭ وقىرمانعا مول تارالىممەن جەتۋىنە جول اشىپ بەردى, – دەيدى ەڭبەكتىڭ اۆتورى جومارت وسپان. وسىلاي گازەتىمىزدە جاريالانعان ماقالا ءبىر دانا تارالىممەن شىققان كىتاپتىڭ كوكجيەگىن كەڭىتىپ وتىر.
ءبىر ايتا كەتەرلىگى, جيناق مەملەكەتتىك تاپسىرىسپەن جارىق كورمەگەننەن كەيىن ەلىمىزدەگى كىتاپحانالارعا جەتپەيتىنى انىق. الداعى ۋاقىتتا ءتيىستى, جاۋاپتى ورىندار ىنتا-ىقىلاس تانىتىپ, «ولجاستانۋ» باعىتىنداعى قۇندى ەڭبەكتى ەلىمىزدىڭ بۇكىل كىتاپحانالارىنا تاراتاتىنداي مۇمكىندىك تۋعىزسا قۇبا-قۇپ بولار ەدى.