الماتىداعى جەو-2 (تەتس-2) 2026 جىلدىڭ 31 جەلتوقسانىنا دەيىن گازعا كوشىرىلەدى. بۇل تۋرالى ءماجىلىس دەپۋتاتى سەرگەي پونومارەۆ مالىمدەدى, دەپ جازادى Egemen.kz.
دەپۋتاتتىڭ ايتۋىنشا, بۇگىندە ستانسا تاۋلىگىنە ەكىباستۇزدىڭ ك ۇلى تۇرعىسىنان زيانى جوعارى 80 ۆاگون كومىرىن جاعىپ وتىر, بۇل قالانىڭ اۋا ساپاسىن ناشارلاتىپ, تۇرعىنداردىڭ دەنساۋلىعىنا كەرى اسەر ەتەدى.
«كەلەر جىلدىڭ 31 جەلتوقسانىندا جەو-2 گازبەن جۇمىس ىستەيدى. بۇل – ۇلكەن ىلگەرىلەۋ», دەدى ءماجىلىس دەپۋتاتى.
س.پونومارەۆتىڭ سوزىنشە, Siemens تاپسىرىسى بويىنشا تۋربينالار مەن قازاندىقتار اقش-تا جاسالىپ, اتلانت مۇحيتى مەن قىتاي ارقىلى الماتىعا جەتكىزىلگەن. قازىرگى ۋاقىتتتا جابدىقتاردى ورناتۋ جۇمىستارى جۇرگىزىلىپ جاتىر.
ەنەرگەتيكا مينيسترلىگىنىڭ بۇرىنعى مالىمەتىنە سايكەس, 2026 جىلى الماتىنىڭ جەو-2 تولىقتاي گازعا كوشىپ, قۋاتى 557 مۆت-قا دەيىنگى پاروگازدى قوندىرعى (پگۋ) ىسكە قوسىلىپ, ناتيجەسىندە زياندى نارسەلەردىڭ شىعارىندىلارى جىلىنا 37,3 مىڭ توننادان 2,7 مىڭ تونناعا دەيىن ازايادى.
جوبانىڭ قۇنى مەملەكەتتىك ساراپتاما قورىتىندىسى بويىنشا 388 ملرد تەڭگەنى قۇراپ وتىر.