جيىن-تەرىم جالعاسىپ جاتىر

وبلىستىق اۋىل شارۋا­شى­لىعى باسقارماسى مالىمەتىنە سۇيەنسەك, قازىر 3,9 مىڭ گەكتار جۇگەرى القابى شابىلىپ, 28 مىڭ توننا ءدان جينالعان. بيىل وبلىس بو­يىنشا جۇگەرىدەن 308 مىڭ توننا ءونىم الۋ جوسپارلانىپ وتىر.

«بۇگىنگە دەيىن جالپى 439,7 مىڭ توننا استىق باستىرىلدى. ونىڭ ىشىندە بيداي, ارپا, س ۇلى, جۇگەرى, كۇرىش بار. ورتاشا ءتۇسىم گەكتارىنا 18,3 تسەنتنەردى قۇراپ وتىر. جينالعان استىقتىڭ 260 مىڭ توننادان استامى مال ازىعىنا وتكىزىلسە, 179,4 مىڭ تونناسى قويماعا ورنالاستىرىلدى 12,6 مىڭ گەكتار القاپ نەمەسە 11,8% مايلى داقىل ءونىمى جينالىپ, گەكتارىنان 17,7 مىڭ توننا ءونىم الىندى», دەيدى وبلىستىق اۋىل شارۋاشىلىعى باسقارماسىنىڭ باسشىسى نۇر­داۋلەت كەنەنباەۆ.

ونىڭ ايتۋىنشا, 6,3 مىڭ گەكتارعا سەبىلگەن كارتوپتىڭ 4,9 مىڭ گەكتارى نەمەسە 78,2%-ى جينالىپ, 104,5 مىڭ توننا ءونىم الىندى. ءار گەكتاردىڭ ونىم­دىلىگى 213,9 تسەنتنەردەن اينالدى. كوكونىس القابىنىڭ 5,6 مىڭ گەكتارى نەمەسە 82,1%-ى جينالىپ, 169,7 مىڭ توننا ءونىم الىندى. ورتاشا ونىمدىلىك – گەكتارىنا 301,6 تسەنتنەر. باقشا داقىلدارى تولىعىمەن جينالىپ, 48 مىڭ توننادان استام ءونىم الىندى.

وبلىس اكىمىنىڭ ءباسپاسوز قىزمەتىنىڭ مالىمەتىنشە, بيىل وبلىستا كۇزگى دالا جۇمىستارىنا 7 مىڭ توننا ارزانداتىلعان ديزەل وتىنى بولىنگەن. مينەرال­دى تىڭايتقىشتاردى قولدانۋ كولە­مىن 58,8 مىڭ تونناعا جەتكىزۋ جوس­پارلانۋدا. بۇگىندە 1 904 شارۋا قوجالىعى تاراپىنان 50,7 مىڭ توننا نەمەسە 86,3%-ى ساتىپ الىنىپ, پايدالانىلعان. كوكتەمگى ەگىس جانە جيناۋ جۇمىستارىن جۇرگىزۋگە اگرارلىق نەسيە كورپوراتسياسىنان 14,3 ملرد تەڭگە بولىنگەن. قازىر 323 ءوتىنىم بويىنشا 7,4 ملرد تەڭگە نەسيە بەرىلىپتى. ءوتىنىم قابىلداۋ جۇمىستارى جالعاسىپ جاتىر.

ودان بولەك, شارۋالار 130 مىڭ توننا كارتوپ جينالادى دەپ كۇتە­دى. وبلىستا 6 250 گەكتار جەرگە كارتوپ ەگىلدى. سونىڭ بۇگىنگە دەيىن 65,5%-ى جي­نالىپ, 87,5 مىڭ توننا ءونىم قام­باعا قۇيىلدى. كارتوپ جي­ناۋعا ەسكەلدى اۋدانىنىڭ شارۋا­شىلىقتارى دا بەلسەنە كىرىس­كەن. بۇل اۋداندا بيىل اۋىل شارۋا­شىلىعى داقىلدارىنىڭ جالپى ەگىس القابى 53 408 گەكتار بولسا, سونىڭ 1 116 گەكتارىنا كارتوپ سەبىلگەن.

جەتىسۋ وبلىسى