الەم مەكتەپتەرىندە جاڭا ءداۋىر باستالدى. بىرىككەن اراب امىرلىكتەرى, قىتاي, ەستونيا, تاجىكستان سياقتى ەلدەردە جاساندى ينتەللەكتىنى ۇيرەتەتىن ارنايى پاندەر ەنگىزىلىپ جاتىر.
بىرىككەن اراب امىرلىكتەرىندە جاڭا وقۋ جىلىنان باستاپ جي ءپانى مىندەتتى ساباق رەتىندە بەكىتىلدى. وسىلايشا, وقۋشىلار دەرەكتەر مەن الگوريتمدەردى, ەتيكالىق نورمالاردى مەڭگەرىپ, جوبا ازىرلەۋگە ماشىقتانادى. قىتاي دا وسى ۇردىستەن قالىس قالعان جوق. بەيجىڭ مەكتەپتەرىندە جاساندى زەردە نەگىزدەرى ينفورماتيكاعا كىرىستىرىلىپ, باستاۋىش سىنىپتاردا ويىن تۇرىندە, جوعارى سىنىپتاردا باعدارلامالاۋ جانە نەيروجەلىلەر دەڭگەيىندە وقىتىلادى. ال ەستونيا مەن تاجىكستاندا ChatGPT Edu سياقتى قىزمەتتەر وقۋ ۇدەرىسىنە ەنگىزىلمەك.