جەتىسۋدا «تازا قازاقستان» ەكولوگيالىق اكتسياسى جۇيەلى تۇردە جۇزەگە اسىرىلىپ كەلەدى. ءوڭىردىڭ كوركىن كەلتىرىپ, تۇرعىنداردىڭ ءومىر ساپاسىن ارتتىرۋعا باعىتتالعان باستاما قازىردىڭ وزىندە ايتارلىقتاي ناتيجە بەرىپ وتىر.
بيىل 2 ورتالىق الاڭ جاڭارتىلىپ, ەسكەرتكىشتەردىڭ 97%-ى قالپىنا كەلتىرىلگەن. بالالاردىڭ ويىن, سپورت الاڭدارىن جوندەۋ كورسەتكىشى – 95%, ساياباقتاردى اباتتاندىرۋ – 84%, كوپقاباتتى ۇيلەردىڭ شاتىرلارىن جوندەۋ – 76%, اللەيالاردى اباتتاندىرۋ 66% دەڭگەيىندە ورىندالدى.
جالپى, جىل سوڭىنا دەيىن وبلىس اۋماعىندا 21 ساياباق, 6 اللەيا, 2 گۇلزار, 49 اۋلا, 81 بالالار مەن سپورت الاڭى اباتتاندىرىلۋعا ءتيىس. قازىردە ولاردىڭ باسىم بولىگىندە قۇرىلىس جۇمىسى اياقتالدى. سونىمەن قاتار كوپقاباتتى تۇرعىن ۇيلەردىڭ 59 شاتىرى, 13 قاسبەتى جاڭارتىلدى. 70 ەسكەرتكىش قايتا قالپىنا كەلتىرىلىپ, 7,9 شاقىرىم ارىق جۇيەسى رەتتەلدى. 152 شاقىرىم كوشە جولدارىنا زاماناۋي جارىق شامدارى ورناتىلدى.
«تازا قازاقستان» اكتسياسى اياسىندا 151 مىڭنان استام ادام قاتىسقان سەنبىلىكتەر ۇيىمداستىرىلىپ, 11 مىڭ توننادان استام قوقىس شىعارىلدى. جوسپارعا سايكەس جىل سوڭىنا دەيىن 120 مىڭ ءتۇپ اعاش وتىرعىزىلادى, ونىڭ 56 مىڭى كوكتەمدە, قالعان بولىگى وسى كۇزدە ەگىلەدى», دەدى وبلىس اكىمىنىڭ ورىنباسارى مارلەن كولباەۆ.
جەرگىلىكتى باقىلاۋ قىزمەتى مەن «عارىش ساپارى» سپۋتنيكتىك پورتالىنىڭ دەرەگىنشە, وبلىس اۋماعىندا 618 رۇقساتسىز قوقىس ءۇيىندىسى انىقتالعان. ونىڭ 93%-ى جويىلىپ, قالعان ورىنداردا جۇمىس جالعاسىپ جاتىر.
تازالىق پەن ءتارتىپتى ىنتالاندىرۋ ماقساتىندا وبلىستا «ۇلگىلى ەلدى مەكەن», «تازا اۋدان ورتالىعى», «تازا اۋىل», «تازا اۋلا» بايقاۋلارى وتكىزىلەدى. بۇل باستامالار اۋىل مەن قالانىڭ اجارىن اشا تۇسۋگە سەرپىن بەرەدى. ماسەلەن, پانفيلوۆ اۋدانىنىڭ تالدى اۋىلى «ۇلگىلى اۋىل» رەسپۋبليكالىق بايقاۋىنا ۇسىنىلسا, سارقان اۋدانىنداعى «قويتاس» ساياباعى گۇلزارلار اراسىنداعى رەسپۋبليكالىق سىنعا جولداما الدى.
«پوليتسيا دەپارتامەنتى تازالىق رەيدتەرىن جالعاستىرا بەرەدى. سونداي-اق قۇرىلىس, جوندەۋ جۇمىسى ءجۇرىپ جاتقان نىسانداردىڭ اينالاسىن رەتكە كەلتىرۋ, ايالدامالار مەن جاياۋ جۇرگىنشىلەر وتكەلدەرىن جاڭارتۋ, ورمان, ساياباق قورلارىن كۇتىپ-باپتاۋ, جاسىل جەلەكتەردى تسيفرلاندىرۋ كۇن تارتىبىنەن تۇسپەيدى», دەيدى وبلىس اكىمىنىڭ ءبىرىنشى ورىنباسارى الىبەك جاقانباەۆ.
وسىناۋ يگى ىستەردىڭ بارلىعى ءوڭىر تۇرعىندارىنىڭ ءومىر ءسۇرۋ ساپاسىن جاقسارتىپ قانا قويماي, ەكولوگيالىق مادەنيەتتى قالىپتاستىرۋ مەن دامىتۋدىڭ