وبلىسىشىلىك مارشرۋتتىق جەلىنى دامىتۋ شەڭبەرىندە اعىمداعى جىلدىڭ 27 قىركۇيەگىنەن باستاپ №109 «قاراعاندى-قارقارالى» اۋدانارالىق (وبلىسىشىلىك قالاارالىق) باعىتى بويىنشا جولاۋشىلاردى تاسىمالداۋ قايتا باستالادى, دەپ جازادى Egemen.kz.
كونكۋرس وتكىزىلگەنگە دەيىن مارشرۋتقا ۋاقىتشا كەلىسىم-شارت بويىنشا «Nomad Bus» جشس قىزمەت كورسەتەدى. كونكۋرس قورىتىندىسى بويىنشا تۇراقتى تاسىمالداۋشى انىقتالادى.
اتالعان مارشرۋت قارقارالى قالاسى مەن وبلىس ورتالىعىن تىكەلەي بايلانىستىراتىندىقتان, اۋدان ورتالىعىنىڭ تۇرعىندارى ءۇشىن قوعامدىق كولىكتىڭ قولجەتىمدىلىگىنە قوسىمشا قولايلى جاعداي تۋعىزادى.
تاسىمالداۋ Yutong ماركالى ۇلكەن سىيىمدىلىقتى جاڭا جايلى اۆتوبۋستارمەن جۇزەگە اسىرىلاتىن بولادى. مارشرۋت كەستەسى جولاۋشىلارعا قولايلى جاعداي جاساۋدى ەسكەرە وتىرىپ جاسالعان. قارقارالى قالاسىنان اۆتوبۋس ساعات 7.00 – دە, قاراعاندى قالاسىنان ساعات 17.30-دا جونەلتىلەدى. باستاپقى جانە سوڭعى پۋنكتتەر اراسىندا تاريف 945 تەنگەڭى قۇرايدى.