قاراعاندى وبلىسىنىڭ تابيعاتتى قورعاۋ پوليتسياسى ەكى ءىرى براكونەرلىك دەرەكتى اشكەرەلەدى. ناتيجەسىندە تەمىرتاۋ جانە استانا قالالارىنىڭ تۇرعىندارى ۇستالدى, دەپ حابارلايدى Egemen.kz.
العاشقىسى وساكاروۆ اۋدانىندا تابيعاتتى قورعاۋ پوليتسياسى مەن جەرگىلىكتى اڭشىلىق قوعامىنىڭ بىرلەسكەن رەيدى كەزىندە انىقتالدى.
«تەكسەرۋ بارىسىندا تەمىرتاۋ قالاسىنىڭ ەكى تۇرعىنى باسقارعان كولىكتەردەن جالپى سالماعى 120 كەلىدەن اساتىن بۇعى ەتى تابىلدى. كۇدىكتىلەردىڭ ەشقانداي رۇقسات قۇجاتى بولماعان. پوليتسيا قىزمەتكەرلەرىمەن كۇدىكتىلەردىڭ قارۋلارى تاركىلەندى», دەيدى قاراعاندى وبلىسىنىڭ پد ءباسپاسوز قىزمەتى.
«وحوتزووپروم» ينسپەكتورىمەن بىرلەسكەن رەيد كەزىندە استانا قالاسىنىڭ ءۇش تۇرعىنى مىنگەن كولىكتەن ءتورت كيىكتىڭ بولشەكتەلگەن ەتى انىقتالدى. بۇل نۇرا اۋدانىندا بولعان وقيعا. ولاردان دا ءتيىستى قۇجاتتار تابىلمادى. ءتىنتۋ بارىسىندا تىركەلگەن مىلتىق پەن پىشاقتار الىنعان.
اتالعان دەرەكتەر بويىنشا زاڭسىز اڭشىلىققا جانە سيرەك جانۋارلارعا قاتىستى زاڭسىز ارەكەتتەرگە بايلانىستى قىلمىستىق ىستەر قوزعالدى. ساراپتامالار تاعايىندالدى, تەرگەۋ جالعاسۋدا.
قاراعاندى وبلىسى