اقتوبە وبلىسىنداعى اۋىل بالالارى جەكەمەنشىك مەكتەپتە تەگىن ءبىلىم الادى

مەكتەپتىڭ دامۋىنا بەلگىلى مەتسەنات ءارى قوعام قايراتكەرى كۇلپارشىن ايدارحانوۆا ۇيىتقى بولىپ وتىر. ونىڭ باستاماسى مەن قولداۋىنىڭ ارقاسىندا «Aqbobek International School» جاي عانا مەكتەپ ەمەس, وقۋشىلار ءوز تالانتتارىن اشىپ, مۇعالىمدەر كاسىبي تۇرعىدا ۇنەمى شىڭدالىپ وتىراتىن ءبىلىم بەرۋ ەكوجۇيەسىنە اينالدى.

ء«ار ءتورت جىل سايىن الەۋمەتتىك نىساندار سالامىز. وتكەن جىلى 90 ورىندىق ينتەرناتى بار Aqbobek ليتسەيىن تۇرعىزدىق. اۋدانداردا جاقسى مەكتەپتە وقىعىسى كەلەتىن دارىندى بالالار بارىن كورىپ, وسىنداي جوباعا باردىق», – دەدى ايدارحانوۆا.

بۇل – «Aqbobek» جەلىسىندەگى ءۇشىنشى مەكتەپ. جالپى 400 ورىنعا لايىقتالعان, سونىڭ ىشىندە 100-ءى اۋىلدىق جەرلەردەن كەلگەن بالالارعا ارنالعان.

«ينتەرناتتا بالالارعا ۇيدەگىدەي جايلى جاعداي جاساۋعا تىرىستىق. قازىر وسى بالالاردىڭ وقۋىنا مەملەكەتتەن قاراجات بولىنگەنىن كۇتىپ وتىرمىز», – دەپ قوستى مەتسەنات.

كۇلپارشىن ايدارحانوۆانىڭ ايتۋىنشا, بۇل مەكتەپتە وقۋشىلار IT-تەحنولوگيالاردى تەرەڭدەتە وقىپ, جاساندى ينتەللەكتىنى مەڭگەرىپ, روبوتوتەحنيكامەن اينالىسا الادى. الداعى ۋاقىتتا مەكتەپ جانىنان تۇتاس تەحنوپارك سالۋ دا جوسپارلانعان. مەتسەنات ساپالى ءبىلىمنىڭ ارقاسىندا اۋىلدان كەلگەن بالالاردىڭ دا حالىقارالىق وليمپيادالاردا ەل اتىنان باق سىنايتىنىنا سەنىم ءبىلدىردى.

«اقتوبەلىك بالالارعا ارنالعان الەۋمەتتىك نىساندار مەنىڭ ءومىرىمنىڭ ەڭ جارقىن بولىگى ەكەنى ءسوزسىز. جوبالاردىڭ ناقتى ناتيجەسىن, ءوڭىر ءۇشىن ماڭىزىن كورگەندە جاڭا جەتىستىكتەرگە ىنتالاناسىڭ», – دەپ اتاپ ءوتتى ايدارحانوۆا.

قازىرگى تاڭدا «Aqbobek International School»-دە 850 وقۋشى ءبىلىم الۋدا. ولارمەن حالىقارالىق سەرتيفيكاتقا يە پەداگوگتار مەن كاسىبي وليمپيادا جەڭىمپازدارى جۇمىس ىستەيدى. مۇعالىمدەر – تەك قانا ۇستاز ەمەس, تەز وزگەرەتىن زاماندا بالالاردىڭ ءوزىن تابۋىنا جول كورسەتەتىن ناعىز تالىمگەرلەر. ولار ۇنەمى دامۋ ۇستىندە: رەسپۋبليكالىق جانە حالىقارالىق كونفەرەنتسيالارعا قاتىسادى, عىلىمي جوبالار جاسايدى. 2024 جانە 2025 جىلدارى «ۇزدىك پەداگوگ» اتاعىن العاندارى دا بار.

مەكتەپتە وقۋعا بارلىق جاعداي جاسالعان: 66 وقۋ كابينەتى, 5 ينفورماتيكا سىنىبى, 3 شەبەرحانا, 3 سپورتزالى جانە زاماناۋي جابدىقتالعان سىنىپتار بار.

2025 جىلعى 8 قىركۇيەكتە مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا الداعى ءۇش جىلدا ەلىمىز «تسيفرلىق ۇلتقا» اينالۋى ءتيىس ەكەنىن اتاپ ءوتتى. ول جاساندى ينتەللەكت نەگىزدەرىن مەكتەپ باعدارلاماسىنا ەنگىزۋ, سونداي-اق زاماناۋي تەحنولوگيالاردى مەڭگەرگەن پەداگوگتاردى دايارلاۋ قاجەتتىگىن ايتتى.

بۇل باعىت «Aqbobek» مەكتەپتەرىنىڭ تۇجىرىمداماسىنا دا سايكەس كەلەدى. مۇندا ءبىلىم بەرۋ ۇدەرىسى يننوۆاتسيالىق تاسىلدەردى, سىني ويلاۋ مەن فۋنكتسيونالدىق ساۋاتتىلىقتى ينتەگراتسيالاۋ نەگىزىندە قۇرىلادى.

«AIS» باستى ماقساتتارىنىڭ ءبىرى – تابىستى ءارى جاۋاپتى ازاماتتاردى تاربيەلەۋ. بولاشاقتا ولار ءوز قالاسىنىڭ, ءوڭىرىنىڭ جانە ەلدىڭ دامۋىنا ۇلەس قوسۋى ءتيىس. بۇل تۋرالى مەملەكەت باسشىسى دا اتاپ ءوتىپ, قازاقستاندا ساپالى ءبىلىم مەن دارىندى جاستاردى قولداۋ اسا ماڭىزدى ەكەنىن جەتكىزگەن.

«مۇندا ءار وقۋشىعا جەكە-جەكە كوڭىل بولىنەدى. مۇعالىمدەر بالالارعا بىلىمگە دەگەن سۇيىسپەنشىلىكتى زورلىقپەن ەمەس, قىزىعۋشىلىقپەن سىڭىرۋگە تىرىسادى. ءبىز ادال پەداگوگيكا قاعيداتتارىن ۇستانامىز», – دەدى كۇلپارشىن ايدارحانوۆا.

الداعى جوسپار – مەكتەپتى ارى قاراي دامىتۋ, وقۋشىلاردىڭ ءبىلىم قورىن نىعايتۋ, ولاردىڭ تسيفرلىق داعدىلارىن جانە سىني ويلاۋ قابىلەتىن جەتىلدىرۋ, عىلىمي جوبالار مەن حالىقارالىق وليمپيادالارعا قاتىسۋعا كوبىرەك مۇمكىندىك بەرۋ.

مەكتەپ اشۋدان بولەك, دەپۋتات وڭىردە الەۋمەتتىك ماڭىزى بار ءتۇرلى جوبالاردى جۇزەگە اسىرىپ كەلەدى. كۇلپارشىن ايدارحانوۆا «اقبوبەك» وڭالتۋ ورتالىعىنىڭ اشىلۋىنا باستاماشى بولىپ, ونىڭ فيليالدارىن اۋدانداردا ىسكە قوسىپ, اۋىل تۇرعىندارىنا مەديتسينالىق كومەكتى قولجەتىمدى ەتتى. اقتوبە وبلىسى «اتامەكەن» كاسىپكەرلەر پالاتاسى ىسكەر ايەلدەر كەڭەسىنىڭ ءتورايىمى ءارى مەنتور رەتىندە ول ايەل-كاسىپكەرلەردى بەلسەندى قولداپ, ناۋبايحانا, دۇكەن, سۇلۋلىق سالوندارىن اشۋعا كومەكتەسىپ, جاڭا جۇمىس ورىندارىن قۇرۋعا جانە شاعىن بيزنەستى دامىتۋعا ىقپال ەتىپ ءجۇر.

سونىمەن قاتار, ايدارحانوۆا «Baqytty Bala» مادەني فەستيۆالىن ۇيىمداستىرۋعا باستاماشى بولدى. بۇل فەستيۆال دارىندى بالالارعا ارنالعان حالىقارالىق الاڭعا اينالىپ, ءوڭىردىڭ بەدەلىن ەلدەن تىس جەرلەرگە دە پاش ەتتى.