ماعجان جۇماباەۆ اۋدانىنداعى پولتاۆكا اۋىلىندا كۇيگەن ۇيدەن ءۇش ادامنىڭ ءمايىتى شىققان. ونىڭ بىرەۋى ايەل, ەكەۋى ەر ادام, دەپ جازادى Egemen.kz.
ءورت 40 شارشى مەترلىك جەردى جالماعان. ورتسوندىرۋشىلەر ءبولىمى اۋىلدان 13 شاقىرىم جەردە ورنالاسقاندىقتان بىردەن جەتۋگە مۇمكىندىك بولماي, ءورتتىڭ قىزۋى ابدەن شالقىعان كەزدە عانا جەتە العان. سوندىقتان ءۇيدى قۇتقارۋ مۇمكىندىگى بولماعان.
قازىر ءورتتىڭ شىعۋ سەبەپتەرى انىقتالۋدا. ونىڭ قىلمىستى ءىستى جاسىرۋ ءۇشىن قاساقانا جاسالۋى مۇمكىن دەگەن كۇدىك تە بار. سوندىقتان وقيعا بويىنشا قىلمىستى ءىس تە قوزعالماق.
جىل باسىنان بەرى وبلىستا 326 ءورت بولىپ, سالدارىنان 20 ادام مەرت بولدى.
سولتۇستىك قازاقستان وبلىسى