قازاقستاندا ءتىس ەمدەۋگە ارنالعان زەينەتاقى جيناقتارىن پايدالانۋ بويىنشا وتىنىشتەر قابىلداۋ توقتاتىلادى. شەكتەۋ 15 قىركۇيەكتەن باستاپ كۇشىنە ەنەدى, دەپ حابارلايدى Egemen.kz.
«2025 جىلدىڭ 15 قىركۇيەگىنەن باستاپ enpf-otbasy.kz پلاتفورماسىندا ءتىس ەمدەۋگە زەينەتاقى قاراجاتىن پايدالانۋ بويىنشا وتىنىشتەر قابىلدانبايدى. اتالعان كۇنگە دەيىن تۇسكەن وتىنىشتەر شتاتتىق تارتىپتە قارالادى», دەپ مالىمدەدى وتباسى بانك ءباسپاسوز قىزمەتى.
بانك ءتىس ەمدەۋگە جيناقتاردى پايدالانۋ بويىنشا وتىنىشتەردى قايتا قابىلداۋ مەرزىمى تۋرالى قوسىمشا حابارلايتىنىن جەتكىزدى.
«وتباسى بانكتىڭ» دەرەگىنشە, قازاقستاندىقتار زەينەتاقى جيناقتارىنان ستوماتولوگيالىق قىزمەتتەرگە 435,1 ميلليارد تەڭگە باعىتتاعان. ونىڭ 98 پايىزى پروتەزدەۋ مەن يمپلانتاتسياعا جۇمسالعان.