الماتىداعى «مۇحتار اۋەزوۆ اتىنداعى تەاتر» مەترو ستانتسياسىندا ياندەكس كنيگيدە قولجەتىمدى قازاق كلاسسيكتەرىنىڭ كىتاپتارىنا ارنالعان مۇقابالاردان قۇرالعان ينستاللياتسيا پايدا بولدى. وسىلايشا جاس سۋرەتشىلەر تانىمال ادەبي شىعارمالاردى ۆيزۋالدى تۇرعىدا جاڭاشا قىرىنان ۇسىندى, دەپ جازادى Egemen.kz.
شىعارمالارىنا جاڭا ۆيزۋالدى ينتەرپرەتاتسيا بەرىلگەن جازۋشىلار, اقىندار مەن ويشىلداردىڭ قاتارىندا – اقان سەرى قورامسا ۇلى, بازار جىراۋ وڭداس ۇلى, باۋبەك بۇلقىشەۆ, بەيىمبەت مايلين, ءبىرجان سال, بەرنياز كۇلەەۆ, جامبىل جاباەۆ, ءىلياس جانسۇگىروۆ, يسا بايزاقوۆ, ماعجان جۇماباەۆ, ماحامبەت وتەمىس ۇلى, ءماشھۇر ءجۇسىپ كوپەي ۇلى, مۇستافا شوقاي, ءسابيت مۇقانوۆ, سايىن مۇراتبەكوۆ, ساتتار ەرۋباەۆ, ءسابيت دونەنتاەۆ, ساكەن سەيفۋللين, ءسۇيىنباي ارون ۇلى, سۇلتانماحمۇت تورايعىروۆ, شاكارىم قۇدايبەردى ۇلى, شال قۇلەكە ۇلى, شاڭگەرەي بوكەي ۇلى, شورتانباي قاناي ۇلى, ىبىراي التىنسارين بار.
كلاسسيكالىق شىعارمالارعا جاڭا ۆيزۋالدى كەلبەت بەرۋ يدەياسى «Tanda Bilim» جوباسىنىڭ اۆتورى جانىبەك ماعاۋيا ۇلىنا تيەسىلى. ول كەيبىر ەلەكتروندى كىتاپتاردا كوركەم ۆيزۋالدىڭ جەتكىلىكسىز ەكەنىن بايقاعان.
سونىمەن قاتار, بۇل قادام قازاقستاننىڭ ادەبي مۇراسىنا نازار اۋدارتۋعا, ونى كەڭ اۋديتوريا ءۇشىن قولجەتىمدى ءارى قىزىقتى ەتۋگە كومەكتەسەدى.
ء«بىز ءۇشىن بۇل – قازاقستان مادەنيەتىنە دەگەن سۇيىسپەنشىلىگىمىزدى ءبىلدىرۋدىڭ, قازاق ادەبيەتى مەن ونەرىن ناسيحاتتاۋعا ۇلەس قوسۋدىڭ تاماشا مۇمكىندىگى. جۇمىستارىمىز جاڭا وقىرمانداردى تارتۋعا كومەكتەسەتىنىنە قۋانىشتىمىز», – دەيدى ول.
جوباعا بىرنەشە وزگە سۋرەتشىلەر قوسىلىپ, تانىمال كىتاپتارعا وزدەرىنىڭ كوركەم ينتەرپرەتاتسياسىن ۇسىندى. ولاردىڭ قاتارىندا – جانىبەك ماعاۋيا ۇلى, ماريا يلنيتسكايا, امىربەك دىنمۇحاممەد, انەليا بەكباسوۆا, الينا كوۆىلەۆا, ەرناز رامازانوۆ, ساۋلە بەكەن, اديل شاكيروۆ, اپەەۆا قاراكوز, قايرۋللا دىنمۇحامەد بار.
بۇل قازاقستاندىق ادەبيەتتىڭ زاماناۋي ءارى وزەكتى, تەرەڭدىگى مەن ءداستۇرىن ساقتاي وتىرىپ, قازىرگى زامانمەن ۇندەسە الاتىنىن ايقىن كورسەتەدى.
ينستاللياتسيا 2025 جىلعى 12 تامىزدان 6 قىركۇيەككە دەيىن «مۇحتار اۋەزوۆ اتىنداعى تەاتر» مەترو ستانتسياسىندا اشىق بولادى. بۇل – قالا تۇرعىندارى مەن قوناقتارى ءۇشىن قازاق اۆتورلارىنىڭ شىعارمالارىمەن زاماناۋي ونەر پريزماسى ارقىلى تانىسۋعا تاماشا مۇمكىندىك.