ۇزاق جولدارعا شىعاتىن ۇزىن فۋرالاردى جۇرگىزەتىندەردىڭ دەنساۋلىعى بەكەم تەكسەرىلگەن بولۋى كەرەك قوي. شەتەلدىك كومپانيالار مۇندايعا مۇقيات بولادى دەپ جۇرسەك ولار دا جاڭساقتىق جىبەرەدى ەكەن, دەپ جازادى Egemen.kz.
جۋىردا كوكشەتاۋعا اۋىلشارۋاشىلىعى تەحنيكالارىن تاسىمالدايتىن شەتەلدىك جۇرگىزۋشى سوعان كوز جەتكىزدى. 67 جاستاعى ول رۋلدە وتىرىپ ەسىنەن تانىپ قالعان.
ابىروي بولعاندا Renault ماركالى اۋىر فۋرا ەشتەڭەگە سوعىلماي جولدان ءتۇسىپ, قالىڭ اعاش اراسىنا قويىپ كەتكەن. مۇنى ءوتىپ بارا جاتقان جۇرگىنشىلەر كورىپ, پوليتسياعا حابارلاعان. جكو «كوكشەتاۋ – رۋزاەۆ» تاسجولىنىڭ 141-شاقىرىمىندا بولعان. وقيعا ورنىنا جەتكەن پاترۋلدىك پوليتسيا باتالونىنىڭ قىزمەتكەرلەرى ەرلان دانكين مەن نۇرلان قوجاحمەتوۆ جۇرگىزۋشىگە جەدەل جاردەم شاقىرىپ, اۋرۋحاناعا اتتاندىرىپ, جۇكتىڭ دە يەلەرىن تاۋىپ, كولىكتى تاپسىرعان.
سولتۇستىك قازاقستان وبلىسى