سارانعا سەرپىلىس بەرگەن سەرىكتەستىكتەر

شينا ەلگە دە, ەكپورتقا دا شىعىپ جاتىر

زاۋىتتىڭ جىلىنا 3 ملن جەڭىل جانە 500 مىڭ جۇك كولىگىنە ارنالعان شينا شىعاراتىن قاۋقارى بار. بىلتىر ماۋسىمدا «Attar» برەندى­نىڭ جەڭىل اۆتوكولىكتەرىنە ارنالعان شينا­لار­دىڭ سەريالىق ءوندىرىسى جولعا قويىلدى. جەڭىل اۆتوكولىكتەر مەن جول تالعاماي­تىن تەمىر تۇلپارعا ارنالعان قوس مودەلدى شينا ازىرلەندى. مۇنىمەن قوسا قىسقى شينانىڭ دا تۇرلەرىن شىعار-دى. ءوندىرىس باسشىلارى زاۋىت اشىلعالى بەرى 450 مىڭ شينا شىعارىلعانىن ايتادى. جىل سوڭىنا دەيىن العاشقى ءبىر ميلليوندىق مەجەنى باعىندىرۋدى جوسپارلاپ وتىر. 2028 جىلعا قاراي زاۋىت قۋاتىن 7 ملن شيناعا دەيىن ارتتىرۋ كوزدەلگەن.

ءوندىرىس رەتتىلىگى 5 كەزەڭدى قامتيدى. العاشقىدا ءارتۇرلى شيكىزات تۇرىنەن رەزەڭكە قوسپالار ازىرلەنەدى. سوسىن ساپالى شينانىڭ جابدىقتارى (ماتالى كورد, برەكەر, پروتەكتور) دايىندالادى. ودان كەيىن بارلىعى جيناقتالىپ, شينا قالىبىنا كەلگەندە ونى ۆۋلكانيزاتسيالاۋ ۇدەرىسى جۇرەدى. كۇردەلى قالىپتاۋ امالدارى ارناۋلى قالىپتا جوعارى قىسىم مەن بەلگىلى ءبىر تەمپەراتۋرادا جۇزەگە اسىرىلادى. وسىلايشا, رەزەڭكە قوسپاسى ءوز قاسيەتتەرىن وزگەرتىپ, قاجەتتى پروتەكتور مەن بۇيىرلىك بولىكتەردىڭ سۋرەتىمەن سوڭعى ءپىشىنى شىعادى. سوڭىندا دايىن ءونىم وتە مۇقيات تەكسەرىستەن وتەدى. 

«شينا قۇرىلىمى 7 نە­گىزگى ەلەمەنتتەن تۇرادى. گەر­مو­قابات ءونىمنىڭ گەرمەتيكالى­عىن قامتاماسىز ەتىپ, اۋانىڭ سىرتقا شىعۋىنا جول بەر­مەي­دى. بورتتىق ساقينالار مەن قا­ناتشالار شينا مەن دوڭگەلەك ديسكىسىنىڭ دۇرىس ورنالاسۋىن قامتاماسىز ەتەدى. كەلەسى ەلەمەنت – بۇيىرلىك بولىكتەر, وسى ارادا بارلىق جازۋ ايقىن وقىلىپ, كورىنەدى. ودان كەيىن قاباتتاسىپ ورنالاسقان كاركاس ەكى تۇرگە بولىنەدى: ماتالى جانە مەتالدى (برەكەر). نەگىزگى مىندەتى – شينانى مەحا­نيكالىق زاقىمدانۋدان مەي­لىنشە قورعاۋ. سوڭعى ەلەمەنتى – پروتەكتور. وسى جەتىلگەن ­7 ەلەمەنتتىڭ ارقايسىسى ار­نايى جابدىق قالىبىندا وندىرى­لەدى», دەيدى «Tengri Tyres» جشس ديرەكتورىنىڭ ءوندىرىس جانە تەحنيكالىق قامتاماسىز ەتۋ جونىندەگى ورىنباسارى ماكسيم بەلياۆسكي.

بىلتىر جازدا «Attar» شي­نالارىنىڭ رەسەيگە العاشقى جەتكىزىلىمدەرى باستالعان. تاياۋ­دا 900 شينا قوستانايداعى «Allur» كاسىپورنىنا جىبە­رىلىپتى. ەندى 205/55 R16 مول­شەرلى «Attar S01» مودەلدى جاز­دىق شينالار وتاندىق جەڭىل اۆتوكولىكتەردىڭ دوڭگەلەگىنە تاعىلادى. ءسويتىپ, بۇعان دەيىن تەك شەتەلدىك شينا تاعىنعان تەمىر تۇلپارلار ەندى تولىق­تاي وتاندىق ونىممەن قامتىلا ­باستايدى.

«Artel»-دەن «Samsung»-قا دەيىن

ساران يندۋستريالىق ايما­عىندا ورنالاسقان «Silk Road Electronics» كاسىپورنى تۇرمىستىق تەحنيكا شىعا­رۋ­مەن اينالىسادى. جالپى اۋدانى 61 مىڭ شارشى مەتر­دەن استام ءوندىرىس ايماعىندا ءتۇرلى تسەح جۇمىستارى رەتىمەن جولعا قويىلعان. ونىڭ ىشىندە ەمالداۋ مەن ۇنتاقتى بوياۋ تسەحى, تەرموپلاست-اۆتومات تسەحى سەكىلدى ءوندىرىستىڭ نەگىزگى كۇشىن قۇرايتىن ايماق بار. كاسىپورىن «Artel» برەندىمەن تەلەديدار, ەلەكترلى سۋ جىلىت­قىش, شاڭسورعىش, ءاسۇي توق­پەشى, اۋاسورعىش, كىر جۋاتىن ماشينا, جەلدەتكىش سەكىلدى تۇرمىستىق تەحنيكا تۇرلەرىن شىعارادى. قازىرگە دەيىن 280 مىڭنان اسا تەحنيكا ساۋدالانىپ ۇلگەرگەن.

«كومپانيا – ەلىمىزدەگى تۇر­مىستىق تەحنيكا شىعاراتىن جالعىز ءوندىرىس ورنى. الدى­مىزدا ۇلكەن مەجە بار. قۇرى­لىستى اياقتاعانىمىزعا كوپ بولا قويعان جوق. ەسكىرگەن عيما­راتتى قايتا قالپىنا كەل­تىرۋگە, زاۋىتتى زاماناۋي قا­جەتتى جابدىقتارمەن قام­تاماسىز ەتۋگە كوپ كۇش جۇم­سادىق. ساۋداعا كىرىسكەنىمىزگە ەكىنشى جىل بولدى. العاشقى كورسەتكىشىمىز جامان ەمەس. ءبىزدىڭ ءونىم قۇنى سىرتتان اكەلەتىن تۇرمىستىق بۇيىمدارمەن سالىستىرعاندا الدەقايدا تو­مەن. ساپاسىنا دا باسا ءمان بەرەمىز. ءىرى ساۋدا نۇكتەلەرىنەن بولەك, ينتەرنەت ارقىلى دا ساۋ­دانى كۇشەيتىپ جاتىرمىز. اسىرەسە «Kaspi.kz» قو­سىمشاسى سەكىلدى ونلاين ساۋ­دا پلاتفورمالارىن ءتيىمدى پايدالانامىز. ساتۋ ءبولىمى مەنەدجەرلەرىنىڭ بىلىكتىلىگى ارقاسىندا ونىمدەردى تمد ەلدەرىنە دە ەكسپورتتايمىز. بۇل – كومپانيانىڭ العا قوي­عان باستى ماقساتتارىنىڭ ءبىرى. ەگەر شەتەل نارىعىنا شىقساق, وندا كاسىپورنى­مىز مول تابىسقا كەنەلىپ, مىڭداعان جۇمىس ورنىن اشۋعا مۇمكىندىك بولادى», دەيدى «Silk Road Electronics» جشس ديرەكتورى الەكساندر كريتسكي.

بىلتىر «Silk Road Electro­nics» جانە «Samsung Electro­nics» وتاندىق كاسىپورىندا تەلەديدار ءوندىرىسىن باستاۋ تۋرالى كەلىسىمگە قول قويدى. بيىل جابدىقتى ورناتۋ, پەرسونالدى وقىتۋ جانە ساپانى باقىلاۋ جۇيەسىن ورناتۋ سەكىلدى دايىندىق جۇمىستارى جۇرگىزىلدى. جەلى تامىز ايىندا تولىق ىسكە قوسىلماق. كوكتەمدە كومپانيالار «SmartThings» تسيفرلىق پلاتفورماسىنا بىرىكتىرىلگەن «Samsung» اۆتوماتتى كىر جۋعىش ماشي­نالارىن شىعارۋ تۋرالى جاڭا كەلىسىمگە قول قويدى. جىل سوڭىنا قاراي ءوندىرىس ىسكە قوسىلادى.

ء«بىزدىڭ كومپانيا الەم­دىك نارىققا ەنەرگياعا ءتيىم­دى, پايدالانۋعا وتە ىڭ­عاي­لى تۇرمىستىق تەحني­كانى شى­عارىپ جاتىر. قىز­مەتكەر­لەرىمىز ءوندىرىس كەزىندە تەحني­كالىق يننوۆاتسيالاردىڭ يگىلىگىن كادەگە جاراتۋعا ۇم­تى­لادى. ءونىم كوپشىلىك تال­عامىنان شىعىپ, كوزگە تارتىمدى كورىنۋ ءۇشىن ديزاينىنا دا ەرەكشە ءمان بەرەمىز. الەمدىك برەند قالىپتاس­تىرۋ ماقساتىندا تاجىريبەمىزدى ءاردايىم تولىقتىرىپ, ىزدەنىس­تەن قول ۇزبەيمىز», دەيدى سەرىكتەستىك باسشىسى.

الىپ كومپانياعا اينالادى

«QazTehna» جشس – اۆتوبۋس قۇراستىرۋمەن اتى شىق­قان كومپانيا. بەس جىلدىڭ ىشىندە قاراعاندى اۆتوپاركىن عانا جاڭارتقان جوق, استانا, شىمكەنت, الماتى جانە باس­قا دا قالالارعا اۆتوبۋس قۇراس­تىرىپ بەرىپ وتىر. كۇنىنە 4-5 اۆتوبۋس جولعا شىعادى. وسى ۋاقىت ىشىندە شامامەن 6 000 اۆتوبۋس پەن 3 500-گە جۋىق ارنايى جانە جۇك تەحنيكاسىن وندىرگەن.

«قازىر ءبىزدىڭ زاۋىت ەكى نەگىزگى باعىتتا جۇمىس ىستەيدى: ءبىرى – جولاۋشىلار تاسىمالىنا ارنالعان اۆتوبۋستار, ەكىنشىسى – توتەنشە جاعدايلار قىزمەتى مەن ىشكى ىستەر مينيسترلىگىنە ارنالعان ارنايى تەحنيكا. بارلىق تەحنيكا ەلدە قۇراستىرىلىپ, دايىن ءونىم رەتىندە شىعارىلادى. ءاربىر بولشەك, ءاربىر كومپونەنت وندىرىستىك تىزبەكتە ءوز ورنىن تاۋىپ, ناقتى ستاندارتقا ساي جاسالادى», دەيدى زاۋىتتىڭ تەحنيكالىق دامۋ جونىندەگى ديرەكتورى ءادىل شايكەمەلوۆ.

ەلىمىزدە اۆتوكومپونەنت­تەر بازاسىن جاسايتىن كاسىپ­ورىندار جوقتىڭ قاسى. سون­دىقتان بۇل باعىتتى وزدەرى قولعا الىپ, جەرگىلىكتى ءوندى­رىستى دامىتۋعا بەت بۇرماقشى. «قازىردىڭ وزىندە اككۋمۋلياتور باتارەيالارى, سىمدار, كەيبىر بولشەكتەر ەل ىشىندە ءوندىرىلىپ جاتىر. بىراق بۇل جەتكىلىكسىز. وسى باعىتتى كەڭەيتۋگە تالپىنىپ جاتىرمىز» دەيدى ديرەكتور.

زاۋىتتىڭ ماڭىزدى جوبا­لارىنىڭ ءبىرى – شتامپوۆكا­لىق ءوندىرىستى ىسكە قوسۋ. بۇل جوبا اياسىندا 2026 جىلدان باستاپ اۆتوبۋستاردىڭ قاڭقا­لىق بولشەكتەرى شاناق­تىڭ الدىڭعى, ارتقى جانە ءبۇيىر بولىكتەرى, توبە ەلەمەنتتەرى ەلدە وندىرىلمەك.

ونەركاسىپ جانە قۇرىلىس مينيسترلىگىنىڭ اقپاراتى بو­يىنشا, ەلىمىزدە 16 ارنايى ەكونوميكالىق ايماق پەن 55 يندۋستريالىق ايماق جۇ­مىس ىستەيدى.

«Silk Road Electronics» تۇرمىستىق تەحنيكا زاۋىتى جاقىن كۇندەرى «Samsung» تەلەديدارلارىن شىعارا باس­تايدى. بۇل – حالىقارالىق سەرىكتەستىك اياسىنداعى ۇلكەن جەتىستىك. ال «QazTehna» بىلتىر 1 400 اۆتوبۋس ءوندىرىپ, ەل­دەگى جالپى سۇرانىستىڭ جارتىسىن وتەدى», دەيدى مينيستر ەرسايىن ناعاسپاەۆ.