2025 جىلدىڭ العاشقى جارتىجىلدىعىندا ەلىمىزدە ەسىرتكى قىلمىسىنا قارسى كۇرەس شەڭبەرىندە 6,4 توننا ەسىرتكى زاتى تاركىلەنگەن. بۇل تۋرالى ىشكى ىستەر ءمينيسترى ەرجان سادەنوۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, جارتى جىل ىشىندە 17 مىڭنان استام ەسىرتكى ساتۋ جانە ناسيحاتتاۋ باعىتىنداعى ينتەرنەت سايتى بۇعاتتالعان. ەسىرتكى قىلمىسىنا قاتىسى بار 500-گە جۋىق ادام ۇستالعان. ولاردىڭ قاتارىندا 28 ادام Telegram-ارنالاردىڭ اكىمشىلەرى.
سونىمەن قاتار ەل اۋماعىندا قوعامدىق ورىنداردا ىشىمدىك ىشكەنى ءۇشىن 107 مىڭ ازامات جاۋاپكەرشىلىككە تارتىلعان. الكوگول ونىمدەرىن ساتۋ بويىنشا 7 مىڭ زاڭ بۇزۋشىلىق تىركەلىپ, 11 مىڭ ادامعا سپيرتتىك ىشىمدىكتەردى پايدالانۋعا تىيىم سالىنعان.
مينيستر ەرجان سادەنوۆ اتالعان دەرەكتەر قوعام قاۋىپسىزدىگىن قامتاماسىز ەتۋ جانە قۇقىق بۇزۋشىلىقتاردىڭ الدىن الۋ باعىتىندا اتقارىلىپ جاتقان كەشەندى شارالاردىڭ ءبىر بولىگى ەكەنىن اتاپ ءوتتى.