الماتى وبلىسىنىڭ پروكۋراتۋراسى كاننابيس ەگىلگەن ءىرى پلانتاتسيانىڭ انىقتالعانىن مالىمدەدى, دەپ حابارلايدى Egemen.kz.
پروكۋراتۋرا مالىمەتىنشە 6 گەكتار پلانتاتسيا رايىمبەك اۋدانى قىزىلشەكارا اۋىلىندا تابىلعان.
- بۇل شارا ەسىرتكى قۇرالدارىنىڭ تارالۋىنا توسقاۋىل قويۋ جانە قىلمىستاردىڭ الدىن الۋ ماقساتىندا ۇيىمداستىرىلدى. سونىمەن قاتار, اۋىل-ايماقتاردا حالىققا قۇقىقتىق ءتۇسىندىرۋ جۇمىستارىن ناسيحاتتاۋ ءۇشىن ارنايى باننەرلەر ءىلىندى, – دەلىنگەن حابارلامادا.
بۇل باستامالار اۋدان تۇرعىندارىنىڭ قۇقىقتىق ساۋاتتىلىعىن ارتتىرۋعا جانە ەسىرتكىگە قارسى يممۋنيتەت قالىپتاستىرۋعا باعىتتالعان.