الماتى وبلىسى, كەگەن اۋدانىنىڭ پوليتسەيلەرى مەن قۇتقارۋشىلارى اياعىنان تىك تۇرىپ, ءتۇنى بويى اقتاستى اۋىلى ماڭىنداعى تاۋلى ايماقتا جوعالعان 10 جاستاعى بالانى ىزدەستىرىپ, امان-ەسەن تاپتى, دەپ حابارلايدى Egemen.kz.
پوليتسياعا ءتۇن ورتاسىندا حابار تۇسكەن. بەلگىلى بولعانداي, بالا تۋىستارىمەن بىرگە تاۋعا ساڭىراۋقۇلاق تەرۋگە شىققان. كەنەت ول ەرەسەكتەردەن قالىپ قويىپ, جولدان اداسىپ كەتكەن. جاقىندارى ءوز كۇشىمەن ىزدەپ كورگەن, الايدا ناتيجە بولماعان سوڭ, قۇقىق قورعاۋ ورگاندارىنان كومەك سۇراعان.
كەگەن اۋدانىنىڭ پوليتسەيلەرى مەن قۇتقارۋشىلارى حابار تۇسە سالىپ, شۇعىل تۇردە ىزدەستىرۋدى باستادى. قيىن جەر بەدەرىنە, تۇنگى ۋاقىت پەن اۋماقتىڭ ناشار كورىنگەنىنە قاراماستان, ىزدەۋ جۇمىستارىن توقتاتپادى. ەسىل ەڭبەك ەش كەتپەي, تاڭ اتا بالا تابىلدى. قۋانىشقا وراي, ول ەش جاراقات الماعان, امان-ەسەن اتا-اناسىمەن قاۋىشتى.
جاقىندارى بالانى ىزدەستىرۋگە اتسالىسقان قۇتقارۋشىلار مەن پوليتسەيلەرگە كاسىبيلىگى مەن جەدەل ارەكەتى ءۇشىن العىس ءبىلدىردى.
«ەڭ باستىسى – بالا امان-ساۋ تابىلدى. مۇنداي جاعدايدا ءار مينۋت ماڭىزدى, ءبىز ارقاشان كومەك كورسەتۋگە دايىنبىز», دەپ اتاپ ءوتتى پوليتسەيلەر.
الماتى وبلىسى