فرانتسيانىڭ وڭتۇستىگىندە باستالعان جويقىن ورمان ءورتى ەكىنشى ءىرى قالا مارسەلگە تاياپ قالعان. اپات سالدارىنان تەمىرجول قوزعالىسى توقتاپ, قالانىڭ حالىقارالىق اۋەجايى ۋاقىتشا جابىلعان, دەپ حابارلايدى Egemen.kz BFMTV جانە France24 تەلەارنالارىنا سىلتەمە جاساپ.
سوڭعى بىرنەشە ساعات ىشىندە جالىن 700 گەكتارعا جۋىق اۋماقتى شارپىعان. ءورت قۇرعاق بۇتالار مەن ءشوپتى القاپتار ارقىلى تەز تارالىپ, تۇرعىن, وندىرىستىك جانە كوممەرتسيالىق ايماقتارعا قاۋىپ ءتوندىرىپ وتىر.
ءورتتىڭ قارقىندى تارالۋىنا قاتتى جەل سەبەپ بولعان. يسپانياعا اپاراتىن حالىقارالىق تاس جول جابىلىپ, مارسەل حالىقارالىق اۋەجايىنىڭ ۇشۋ-قونۋ جولاعىن ءتۇتىن باسىپ قالعان. سونىڭ سالدارىنان ونداعان رەيس توقتاتىلىپ, جولاۋشىلار اۋەجايدان ۋاقىتشا ەۆاكۋاتسيالانعان.
اۋەجاي پرەزيدەنتى جيۋلەن كوففينە بۇعان دەيىن مۇنداي كولەمدەگى توتەنشە جاعدايمەن بەتپە-بەت كەلمەگەنىن مالىمدەدى.
قالا ماڭىنداعى كەيبىر اۋدانداردان تۇرعىنداردى ەۆاكۋاتسيالانىپ, 110 ادام ءتۇرلى دەڭگەيدە جاراقات العان.
اپاتتىڭ سەبەبى رەتىندە اۆتوماگيسترالدە تۇتانعان كولىك اتالىپ وتىر. بۇعان دەيىن وڭىردە ەكى اپتادان استام ۋاقىت بويى اپتاپ ىستىق بولىپ, 19 مامىردان بەرى ءبىر تامشى جاڭبىر جاۋماعان.