جۋىردا قازاقستان پوليتسياسى كۇنىنە وراي قوناەۆ قالاسىنىڭ ورتالىق الاڭىندا وتكەن سالتاناتتى ءىس-شارا بارىسىندا الماتى وبلىستىق پوليتسيا دەپارتامەنتىنە 40 جاڭا قىزمەتتىك اۆتوكولىكتىڭ كىلتى تابىس ەتىلدى. بۇل – وڭىردە قۇقىقتىق ءتارتىپتى نىعايتۋ مەن قۇقىق قورعاۋ ورگاندارىنىڭ ماتەريالدىق-تەحنيكالىق بازاسىن نىعايتۋعا باعىتتالعان يگى ءىس, دەپ جازادى Egemen.kz.
سونداي-اق اۆتوپاركتىڭ جاڭارتىلۋى پوليتسيا قىزمەتىنىڭ تيىمدىلىگىن ارتتىرىپ, قۇقىق قورعاۋ ورگاندارىنىڭ موبيلدىلىگىن, قىلمىستارعا جەدەل ارەكەت ەتۋ مۇمكىندىگىن كۇشەيتەتىن بولادى.
«قوعام قاۋىپسىزدىگىن قامتاماسىز ەتۋدە تەحنيكانىڭ ماڭىزى زور. زاڭ ۇستەمدىگىن قامتاماسىز ەتۋ, قىلمىسپەن كۇرەسۋ جانە قوعامدىق ءتارتىپتى ساقتاۋ – مەملەكەتتىڭ باسىم باعىتتارى. ءاربىر ازامات ءوزىن قاۋىپسىز سەزىنۋى كەرەك», – دەگەن ءوڭىر باسشىسى مارات سۇلتانعازيەۆ پوليتسيا قىزمەتكەرلەرىنىڭ ەڭبەگىنە ساتتىلىك تىلەدى.
سۋ جاڭا قىزمەتتىك كولىكتەر قوناەۆ, الاتاۋ قالاسى مەن ەڭبەكشىقازاق, ىلە, تالعار, قاراساي, جامبىل, بالقاش, كەگەن, رايىمبەك جانە ۇيعىر اۋداندارىنىڭ پوليتسيا بولىمدەرىنە بەرىلدى.
دەرەك كوزدەرىنە سۇيەنسەك, سوڭعى ءۇش جىلدا الماتى وبلىسىندا ىشكى ىستەر سالاسىن دامىتۋعا 51 ملرد تەڭگەدەن استام قارجى باعىتتالىپ, 167 اۆتوكولىك, زاماناۋي تەحنيكالار, پلانشەتتەر مەن سەرۆەرلىك قۇرىلعىلار ساتىپ الىنعان. سونىمەن قاتار بەينەباقىلاۋ جۇيەلەرى ورناتىلىپ, 20 شۇعىل تۇيمەسىن (SOS) ىسكە قوسۋ جوسپارلانۋدا.
بۇگىندە وبلىس اۋماعىندا 51 مىڭنان استام بەينەباقىلاۋ كامەراسى ىسكە قوسىلعان.
سالتاناتتى جيىن بارىسىندا قىزمەتتىك بورىشىن وتەۋ كەزىندە ەرلىكپەن قازا تاپقان پوليتسيا قىزمەتكەرلەرىنە قۇرمەت كورسەتىلدى. تاۋەلسىزدىك جىلدارى وڭىردە 40 پليتسەي قىزمەتتىك مىندەتىن اتقارۋ بارىسىندا ومىردەن وتكەن.
الماتى وبلىسى.