ۆەتنامنىڭ «ۆەتنام ءۇنى» راديوسىنىڭ ەفيرىنەن قازاق ءانشىسى ديماش قۇدايبەرگەننىڭ شىعارماشىلىعىنا ارناعان «Idols Talk: Deep» باعدارلاماسى ەفيرگە شىعادى, دەپ حابارلايدى «Egemen.kz». سونداي-اق, ەفيردە ءانشىنىڭ ۆەتنامداعى فان-كلۋبىنىڭ جۇمىسى تۋرالى دا مالىمەتتەر ايتىلادى, دەپ جازادى Egemen.kz.
ديماش قۇدايبەرگەننىڭ شىعارماشىلىعىنا ارنالعان باعدارلاما راديو ەفيردەن 2025 جىلدىڭ 2 شىلدەسى كۇنى تىڭدارماندارعا جول تارتپاق. وندا ديماشتىڭ 2017 جىلى قىتايدىڭ Singer شوۋىندا «SOS d’un terrien en détresse» انىمەن دەبيۋت جاساعان ساتىنەن باستاپ, بۇگىنگى كۇنگە دەيىنگى ءتۇرلى مۋزىكالىق جانرلاردى قامتيتىن ەڭبەك جولى اڭگىمەگە ارقاۋ بولادى. ەفيردە ءانشىنىڭ ورىنداۋىنداعى «SOS d’un terrien en détresse» جانە «Love of Tired Swans» اتتى ەكى كومپوزيتسيا قويىلادى.
سونىمەن قاتار, شىعارىلىمنىڭ ءبىر بولىگى ۆەتنامدا 2017 جىلى قۇرىلعان ديماشتىڭ فان-كلۋبىنىڭ اتقارعان جۇمىستارى تۋرالى بولماق.
سونداي-اق, ۆەتنام ەلى ديماش قۇدايبەرگەندى 6 شىلدە كۇنى وتەتىن «جۇلدىزدار ءتۇنى» ءىس-شاراسىنا شاقىرعانى حابارلاندى.