مەملەكەت باسشىسى قاسىم-جومارت توقاەۆتىڭ جىلۋ كوزدەرى مەن جىلۋ جەلىلەرىنىڭ ءۇزىلىسسىز جۇمىسىن قامتاماسىز ەتۋ بويىنشا بەرگەن تاپسىرمالارىن ىسكە اسىرۋ اياسىندا جەزقازعان قالاسىنىڭ جىلۋ جەلىلەرىن قايتا جاڭعىرتۋدى اياقتاۋ ءۇشىن ۇكىمەت رەزەرۆتەن 2,8 ملرد تەڭگەدەن استام قارجى ءبولدى. پرەمەر-مينيستر ولجاس بەكتەنوۆ ءتيىستى قاۋلىعا قول قويدى.
ۇزىندىعى 398 شاقىرىم قالالىق جىلۋ جەلىلەرىنىڭ توزۋى – 56,6%. بۇل تۇرعىن ءۇي, الەۋمەتتىك جانە باسقا دا نىسانداردى جىلۋمەن قامتۋعا كەرى اسەرىن تيگىزۋدە. جىلىتۋ ماۋسىمىندا رەسۋرستاردىڭ ايتارلىقتاي شىعىنى ورتا ەسەپپەن 35-40%-عا جەتەدى, بۇل قولدانىستاعى جانە سالىنىپ جاتقان نىسانداردى جىلۋ جەلىلەرىنە قوسۋعا مۇمكىندىك بەرمەيدى.
جەزقازعان قالاسىنىڭ كەڭەيۋىن جانە سالىنىپ جاتقان جاڭا باتىس اۋدانىن جىلۋمەن قامتاماسىز ەتۋ قاجەتتىلىگىن ەسكەرە وتىرىپ, رەكونسترۋكتسيالاۋ مەن جاڭعىرتۋ بويىنشا باستاپقى جوبا تۇزەتىلدى: قۇبىرلاردىڭ ديامەترى 800 مم-دەن 1000 مم-گە دەيىن, ال رەكونسترۋكتسيالاۋعا جاتاتىن جەلىلەردىڭ ۇزىندىعى 11,4 شاقىرىمنان 12,3 شاقىرىمعا دەيىن ۇلعايتىلدى.
ۇكىمەت رەزەرۆىنەن بولىنگەن 2,8 ملرد تەڭگە جوبانى تولىق اياقتاۋعا جانە 98 مىڭنان استام تۇرعىنى بار قالانىڭ جىلۋ جەلىلەرىن الداعى جىلىتۋ ماۋسىمىنا ساپالى دايىنداۋعا مۇمكىندىك بەرەدى.