جامبىل وبلىسىندا ناتري ءتسيانيدىن وندىرەتىن جاڭا زاۋىتتىڭ ەكىنشى كەزەڭىن ىسكە اسىرۋ بويىنشا جۇمىس اتقارىلىپ جاتىر. كاسىپورىن تولىق قۋاتىندا جۇمىس ىستەگەن كەزدە جاڭا جۇمىس ورىندارى اشىلادى, دەپ حابارلايدى Egemen.kz
جامبىل وبلىسىنىڭ اكىمى ەربول قاراشوكەەۆ «ساۋتس-ويل» جشس پرەزيدەنتى سەرىكجان سەيتجانوۆپەن كەزدەسۋ بارىسىندا تالاس اۋدانىندا ناتري ءتسيانيدىن ءوندىرۋ بويىنشا «Talas Investment Company» جشس زاۋىتىن كەڭەيتۋ جوباسىنىڭ ەكىنشى كەزەڭىن ىسكە اسىرۋ ماسەلەسىن تالقىلادى.
جوبا اياسىندا كاسىپورىننىڭ قۋاتتىلىعى جىلىنا 30 مىڭ تونناعا دەيىن ارتادى. قوسىمشا 300 جۇمىس ورنى اشىلادى دەپ كۇتىلۋدە. جەرگىلىكتى اتقارۋشى ورگاندار ينفراقۇرىلىم ماسەلەلەرىن شەشۋگە قولداۋ كورسەتەدى.سەرىكجان سەيتجانوۆ قۇرىلىس جۇمىستارىن 2025 جىلدىڭ تامىز ايىنىڭ ورتاسىنا دەيىن اياقتاۋ جوسپارلانىپ وتىرعانىن حابارلادى.
ءوڭىر باسشىسى زاۋىت قىزمەتى التىن ءوندىرۋ جانە باسقا دا سالالاردا سۇرانىسقا يە ستراتەگيالىق ءونىم شىعارۋ ارقىلى ەلىمىزدىڭ يمپورتقا تاۋەلدىلىگىن ازايتۋعا جانە ونەركاسىپتىك قاۋىپسىزدىكتى نىعايتۋعا ىقپال ەتەتىنىن اتاپ ءوتتى. زاۋىت ىشكى نارىقتى تولىق قامتاماسىز ەتىپ قانا قويماي, ەكسپورتتىق الەۋەتتى نىعايتىپ كەلەدى.
ەربول قاراشوكەەۆ ءوڭىردىڭ سەرپىندى ينۆەستيتسيالىق جوبالارى مەن ينۆەستيتسيالىق ساياساتىنىڭ نەگىزگى باعىتتارى تۋرالى ايتىپ, جامبىل وبلىسىنىڭ تۇراقتى دامۋى ءۇشىن ستراتەگيالىق سەرىكتەستەردى تارتۋدىڭ ماڭىزدىلىعىن اتاپ ءوتتى.