قازاقستان ىشكى ىستەر مينيسترلىگىنىڭ ينتەرپول ۇلتتىق ورتالىق بيۋروسىنىڭ سۇراۋى بويىنشا چەرنوگوريانىڭ بۋدۆا قالاسىندا اسا ءىرى كولەمدە الاياقتىق جاساعانى ءۇشىن حالىقارالىق ىزدەۋدە جۇرگەن تۇركيا ازاماتى ۇستالدى, دەپ حابارلايدى Egemen.kz.
ءىىم مالىمەتىنشە, الاياقتىق سالدارىنان كەلتىرىلگەن جالپى شىعىن كولەمى 5 ميلليارد تەڭگەدەن اسادى. سونداي-اق ول باسقا جشس-لەرگە تيەسىلى قاراجات پەن مۇلiكتi يەمدەنگەن.
«2022 جىلدىڭ قازان ايىنان 2024 جىلدىڭ ماۋسىمىنا دەيىن ەر ادام قازاقستانداعى جشس-لەردىڭ ءبىرىنىڭ ديرەكتورى بولا وتىرىپ, پايداكۇنەمدىك نيەتپەن قىزمەتتىك وكىلەتتىكتەرىن اسىرا پايدالانىپ, بىرقاتار الاياقتىق ارەكەتتەر جاساعان», دەلىنگەن حابارلامادا.