«سارىارقا» ارنايى ەكونوميكالىق ايماعىندا اليۋميني جانە بيمەتالل جىلىتۋ رادياتورلارىن شىعاراتىن جوعارى تەحنولوگيالىق جانە ەكولوگيالىق زاۋىت سالىنىپ جاتىر, دەپ حابارلايدى Egemen.kz.
جوبانى ىسكە اسىرۋشى «سيلۋمين وف قازاقستان» جشس – وڭدەۋ ونەركاسىبىن دامىتۋعا جانە «بايتەرەك» ۇلتتىق باسقارۋشى حولدينگى, «دامۋ» قورى, BV Management, ونەركاسىپ مينيسترلىگى جانە قاراعاندى وبلىسى اكىمدىگىنىڭ قولداۋىمەن ESG-قاعيداتتارىن ەنگىزۋگە ينۆەستيتسيا سالاتىن جاس قازاقستاندىق كومپانيا.
كاسىپورىن ەلىمىزدەگى ەڭ ءىرى رادياتور وندىرۋشىگە جانە يمپورت الماستىراتىن ماڭىزدى نىسانداردىڭ بىرىنە اينالادى دەپ كۇتىلەدى.
ءبىرىنشى كەزەڭنىڭ وندىرىستىك قۋاتى جىلىنا 5,5 ميلليونعا جۋىق سەكتسيانى قۇرايدى. ينۆەستيتسيانىڭ جالپى كولەمى – 35 ميلليون اقش دوللارى.
كاسىپورىندا 220 جۇمىس ورنىن قۇرۋ جوسپارلانىپ وتىر. بۇل ماشينا جاساۋ, مەتاللۋرگيا جانە حيميا سالاسىنداعى بىلىكتى مامانداردى تارتۋدى تالاپ ەتەدى. بۇل ءۇشىن كومپانيا قازىردىڭ وزىندە ءوڭىردىڭ كوللەدجدەرىمەن جانە جوعارى وقۋ ورىندارىمەن ىنتىماقتاستىق ورناتىپ ۇلگەردى.
قاراعاندى وبلىسى