پەتروپاۆلدىڭ شەتكەرگى اۋداندارىنىڭ بىرىندە ورنالاسقان «نوۆايا» كوشەسىنىڭ 110-شى كوپقاباتتى ۇيىندە تۇراتىن باقىتجان ءادىلوۆ اقساقال بالالاردى قورعاۋ كۇنىنىڭ قارساڭىندا ەسكەرۋسىز قالعان سابيلەر اۋلاسىن جانداندىرىپ, قولدا بار ماتەريالداردان ءتۇرلى اشەكەيلى, قىزىقتى زاتتار جاساپ شىعاردى, دەپ جازادى Egemen.kz اقپارات اگەنتتىگى.
ولاردىڭ ىشىندە «تەرەڭ» وشاققا ورنالاسقان شاينەك, دەكوراتيۆتى باعدارشامدار, اققۋدىڭ ۇياسى, پاروۆوز, زىمىران, ۇشاق جانە ت.ب. بار. «مەنىڭ باستاماما اۋەلى كورشىلەر كۇدىكپەن قاراستى, ارتىنان ءبارى دە ءتۇسىنىپ, ءبىرازى ماعان كومەككە كەلدى. وسى شارۋانىڭ ارقاسىندا كورشىلەر ءبىر-بىرىمىزبەن تانىسىپ, اماندىق-ساۋلىق سۇراۋىمىز دا جاقسارىپ قالدى», دەيدى اقساقال.
جانىڭداعى جاندارعا جاقسىلىق جاساعانعا نە جەتسىن, قازىر باقىتجان اقساقالدى بارلىق بالالار دا جاقسى كورىپ, وعان «اسسالاۋماعالەيكۋم» دەپ سالەم بەرىپ جاتادى.
پەتروپاۆل