بقو-دا 30 مامىرعا قاراعان ءتۇنى ءبورلى اۋدانىنىڭ اقساي قالاسىندا جەرگىلىكتى جانارماي قۇيۋ بەكەتتەرىنىڭ بىرىندە بەلگىسىز ەر ادام بەنزوپيلامەن ادامدار مەن كولىكتەرگە شابۋىل جاساعان, دەپ حابارلايدى Egemen.kz.
وقيعا ءبورلى اۋداندىق پوليتسياسىنىڭ Instagram پاراقشاسىندا جاريالانعان. بەينەجازبادان ەر ادامنىڭ جانىنداعى ادامدارعا قاراي جۇگىرىپ, شابۋىلداعانىن انىق كورۋگە بولادى.
پوليتسيانىڭ مالىمەتىنشە, ەر ادام جەدەل تۇردە ۇستالعان. كەيىن بەلگىلى بولعانداي, ول پسيحونەۆرولوگيالىق ديسپانسەردە تىركەۋدە تۇرعان. ونىڭ ارەكەتى ءوزىنىڭ دە, وزگەلەردىڭ دە ومىرىنە قاۋىپتى دەپ باعالانعان.
ۇستالعاننان كەيىن ازامات ۋاقىتشا بەيىمدەلۋ جانە دەتوكسيكاتسيا ورتالىعىنا جەتكىزىلگەن. ول وبلىستىق پسيحيكالىق دەنساۋلىق ورتالىعىنا ءماجبۇرلى تۇردە ەمدەۋگە جىبەرىلۋى مۇمكىن.