الماتىدا بەلگىلى سۋرەتشى يۋليا پروسكۋرانىڭ «كوشپەلى رۋحى» اتتى جەكە كورمەسى اشىلدى.
ەكسپوزيتسياعا سۋرەتشىنىڭ ءداستۇرلى كيىز ەلەمەنتتەرىنەن باستاپ, كونە كوشپەلى وركەنيەتتىڭ بەينەلەرىن زاماناۋي ونەر تاسىلدەرىمەن ۇيلەستىرگەن 50-گە جۋىق تۋىندىسى قويىلعان. كورمەدە دالا كەڭىستىگى, كوشپەلى ءومىردىڭ تىنىسى, ەركىندىك پەن تابيعات ۇندەستىگى كورىنىس تاپقان.
– يۋليانىڭ شىعارمالارى – وتكەن مەن بۇگىننىڭ, ءداستۇر مەن زاماناۋيلىقتىڭ توعىسى. ول كورەرمەنگە تەك سۋرەت ەمەس, سەزىم مەن وي سالادى. ونىڭ قولتاڭباسى ارقىلى كورەرمەن تاريحپەن تىلدەسىپ, كوشپەلىلەر رۋحىمەن قاۋىشادى. بەينەلەۋ ونەرى – تاريح پەن رۋحتىڭ ءۇنسىز ءتىلى دەسەك, سۋرەتشى وسى ۇنسىزدىكتى سويلەتىپ, تاريحقا تەرەڭ زەردەمەن قاراۋعا شاقىرادى,– دەيدى مەملەكەتتىك ورتالىق مۋزەيدىڭ سىرتقى بايلانىستار ءبولىمىنىڭ جەتەكشىسى اننا كۋششەنكو.
ەرەكشە كورمەنى ونەرتانۋشىلار, ۇرپاقتار اراسىنداعى كوپىردى نىعايتۋعا جانە مادەنيەتىمىزدىڭ بايلىعىن الەمگە تانىتۋعا جاسالعان قادام دەپ باعالادى. كوشپەلىلەر الەمىنىڭ كوركەم مادەنيەتىن, داستۇرلەرى مەن ەستەتيكاسىن پاش ەتەتىن كورمە اي سوڭىنا دەيىن جالعاسپاق.