جۋىردا ءۋاليحانوۆ اۋدانىنداعى جامبىل جانە شاعىرساي اۋىلدارىندا بولعان اۋىلداستاردىڭ جيىنىندا ىشىمدىكتەن باس تارتۋ, ونى دۇكەندە ساتپاۋ, بارلىق وتباسىلىق شارالاردى الكوگولسىز وتكىزۋ تۋرالى شەشىم قابىلداندى.
بۇل سولتۇستىك قازاقستاندا كوپتەن بەرى قالىپتاسىپ كەلە جاتقان جاقسى ءۇردىس. وسىعان دەيىن دە بىرنەشە قازاق اۋىلدارى ىشىمدىكتەن باس تارتۋ تۋرالى شەشىم قابىلداعان. ءتىپتى باسقا ەتنوس وكىلدەرىمەن ارالاس تۇراتىن كەيىبىر اۋىلدار دا بۇل ۇردىسكە قوسىلىپ جاتىر.
بىلتىر ءتىپتى اۋدان ورتالىعى ساۋمالكول جانە لوبانوۆو مەن ارىقبالىق اۋىلدارىندا دا حريستيان ءدىنىن تۇتىناتىنداردى جەرلەۋ راسىمىندە دە ىشكىلىك اۋىزعا الىنباسىن دەگەن باستاما كوتەرىلدى. بۇل ءۇردىستى پراۆوسلاۆين شىركەۋىنىڭ سۆياششەننيگى ەۆگەني اكەيدىڭ ءوزى قولداعان.
قۇقىق قورعاۋ ورگاندارى الكوگولدەن باس تارتقان اۋىلداردا ءتۇرلى قىلمىستاردىڭ تىركەلگەنى ازايعانىن جاريالادى.
سولتۇستىك قازاقستان وبلىسى