سولتۇستىك قازاقستان وبلىسىندا 2025 جىلدىڭ 26 مامىرى مەن 11 ماۋسىمى ارالىعىندا «قىزىلجار جاستارى» بىرەگەي الەۋمەتتىك يپوتەكالىق باعدارلاماسىنا قاتىسۋعا وتىنىمدەر قابىلداۋ باستالادى, دەپ حابارلايدى Egemen.kz سولتۇستىك قازاقستان وبلىسىنىڭ اكىمدىگىنە سىلتەمە جاساپ.
جاڭا تۇرعىن ءۇي باعدارلاماسىنا دەنساۋلىق ساقتاۋ, ۆەتەريناريا, مادەنيەت, سپورت, الەۋمەتتىك قورعاۋ, ازاماتتىق قورعانىس, ەنەرگەتيكا سالاسىندا جۇمىس ىستەيتىن 35 جاسقا دەيىنگى ازاماتتار قاتىسا الادى.
كانديداتتار الەۋمەتتىك مارتەبەسى, وتباسىلىق جاعدايى, بالالارىنىڭ بولۋى جانە كاسىبي تاجىريبەسىنە قاراي اشىق باسەكەلەستىك بالدىق جۇيە بويىنشا ىرىكتەلەدى.
باعدارلاما شارتى كەلەسىدەي:
نەسيە سوماسى: – پەتروپاۆل قالاسىنىڭ تۇرعىندارى ءۇشىن – 15 ملن تەڭگەگە دەيىن – وبلىس اۋداندارىنىڭ تۇرعىندارى ءۇشىن – 10 ملن تەڭگەگە دەيىن
باستاپقى جارنا: 10%
پايىزدىق مولشەرلەمە: 6% (جىلدىق)
نەسيە مەرزىمى: 19 جىلعا دەيىن
قۇجاتتار مەن وتىنىمدەر ازاماتتاردى قابىلداۋ ورتالىعىندا قابىلدانادى.