بانكوماتتان اقشا الۋعا كەزەككە تۇرعان ءبىر ازامات ءوزىنىڭ الدىندا تۇرعان كەيۋانانىڭ شوتتاعى اقشاسىن الىپ, تەلەفونمەن سويلەگەن بىرەۋدىڭ ايتۋىمەن ءبىر شوتتارعا اۋدارا باستاعانىن كورەدى.
ء«سىز الدانىپ قالماڭىز, تەلەفونمەن ايتىلعان شوتتارعا نەگە اقشا اۋداراسىز» دەگەنگە كەيۋانا قايرىلمايدى.
ال قىراعى ازامات بۇل وقيعانى دەرەۋ پوليتسياعا حابارلايدى. جەدەل جەتكەن پوليتسيا كەيۋاناعا الاياقتاردىڭ ارباۋىنا تۇسكەنىن ايتادى.
ارتىنان بەلگىلى بولعانىنداي 73 جاستاعى كەيۋاناعا «قارجىلىق باقىلاۋدان» ءبىر «جاناشىر» حابارلاسىپ, ءسىزدىڭ اتىڭىزعا نەسيە راسىمدەگەلى جاتىر. شوتتاعى اقشاڭىزدى مىنا «قاۋىپسىز شوتتارعا» جەدەل اۋدارىڭىز دەيدى. سوعان سەنگەن كەيۋانا جانتالاسىپ بانكوماتقا جەتىپ, شوتىنداعى 5 ملن تەڭگەنىڭ 3 ملن الاياق كورسەتكەن شوتقا اۋدارىپ ۇلگەرەدى. قالعان 2 ملن تەڭگەسىن قىراعى ازاماتتىڭ ارقاسىندا قۇتقارىپ قالادى.
پەتروپاۆل