الماتى وبلىسىنداعى جول-كولىك وقيعاسى وسىمىمەن كۇرەس جونىندەگى جۇمىس كەزدەسۋى ءوتتى. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەپارتامەنتى زارداپ شەككەندەرمەن, قازا تاپقاندارمەن ورىن العان بارلىق جول-كولىك وقيعالارىن (جكو) ەسەپكە الادى, دەپ حابارلايدى Egemen.kz.
جول-كولىك وقيعالارىنىڭ سانىن ازايتۋ ماقساتىندا كوميتەتتىڭ تاپسىرماسى بويىنشا وبلىستىق پروكۋراتۋرا مەن باسقا دا ۋاكىلەتتى ورگانداردىڭ وكىلدەرى كىرگەن ۆەدومستۆوارالىق جۇمىس توبى (ۆجت) قۇرىلدى. ۆجت زاڭناما تالاپتارىن كۇشەيتۋ, جكو-نى ەسەپكە الۋ مەن تىركەۋدى جەتىلدىرۋ, سونداي-اق الدىن الۋ جانە ەسكەرتۋ شارالارىن ىسكە اسىرۋ باعىتىندا جۇمىس جۇرگىزۋدە. بۇل – جول قوزعالىسى قاۋىپسىزدىگىن ارتتىرۋعا باعىتتالعان كەشەندى ءتاسىل. ويتكەنى, وڭىردەگى جاعداي ايتارلىقتاي الاڭداۋشىلىق تۋدىرۋدا.
بيىلعى جىلدىڭ العاشقى ءتورت ايىندا الماتى وبلىسىندا جول-كولىك وقيعالارىنىڭ سانى 55,5%-عا, زارداپ شەككەندەر سانى 92,3%-عا ارتتى. قازا تاپقاندار سانى 28%-عا ءوستى, ولاردىڭ ىشىندە 5 كامەلەتكە تولماعان بالا بار.
ازاماتتاردىڭ حاباردارلىعىن ارتتىرۋ جانە جاڭا جول اپاتتارىنىڭ الدىن الۋ ماقساتىندا دەپارتامەنت اپاتتىق قاۋىپتى جول ۋچاسكەلەرىنىڭ ينتەراكتيۆتى كارتاسىن ازىرلەدى. وعان ءموبيلدى تەلەفون ارقىلى QR-كودتى سكانەرلەپ قول جەتكىزۋگە بولادى.
كارتا ارقىلى تىركەلگەن جكو سانىن كورۋگە, ەڭ قاۋىپتى جول ۋچاسكەلەرىنىڭ قاي جەردە ورنالاسقانىن بىلۋگە بولادى. (كارتانى كورسەتۋ جوسپارلانۋدا).
جكو-نىڭ الدىن الۋ جۇمىسى الماتى وبلىسىنىڭ مەملەكەتتىك ورگاندارىنىڭ تۇراقتى باقىلاۋىندا.
الماتى وبلىسى