جەتىسۋدا 70-تەن اسا ەتنوس وكىلى تۇرادى. وبلىس ورتالىعىنداعى دوستىق ءۇيى بىرنەشە ەتنوبىرلەستىكتى ءبىر شاڭىراق استىندا ۇيىتىپ وتىر. ولار ءوز ءداستۇرىن عانا ەمەس, قازاق حالقىنىڭ مادەني ومىرىنە شۋاعىن توگىپ كەلەدى. سول سەبەپتى تالدىقورعاندا «دوستىق اللەياسى» اشىلدى.
كوپكە ءمالىم, بيىل قازاقستان حالقى اسسامبلەياسىنىڭ 30 جىلدىعىنا وراي ءتۇرلى ءىس-شارا ۇيىمداستىرىلىپ جاتىر. جەتىسۋ جەرى سوناۋ تاريحقا ۇڭىلسەك, كوپتەگەن ەتنوسقا پانا بولعان قاسيەتتى ايماق سانالادى. سوندىقتان مەرەكە سايىن ەتنومادەني بىرلەستىكتەر ءوز ريزاشىلىعىن ءبىلدىرىپ تۇرادى. وسى ماقساتتا اشىلعان «دوستىق اللەياسىنىڭ» ماڭىزى زور.
سالتاناتتى ءىس-شاراعا قاتىسۋشىلار اللەياعا 30 ءتۇپ كاتالپا اعاشىنىڭ كوشەتىن وتىرعىزدى. وبلىس اكىمىنىڭ ورىنباسارى دياس ەسداۋلەتوۆ, اسسامبلەيا مۇشەسى, قوعام قايراتكەرى اتساليم يديگوۆ جانە بەلسەندى جاستار قاتارىنان ەكاتەرينا پودگورنايا بولاشاققا باعىتتالعان تىلەك جازىلعان ۋاقىت كاپسۋلاسىن ورنالاستىردى. ۋاقىت كاپسۋلاسى 2030 جىلى, ياعني قحا 35 جىلدىعىندا الىنىپ, وقىلاتىن بولادى.
جيىن بارىسىندا ءى.جانسۇگىروۆ اتىنداعى ۋنيۆەرسيتەتتىڭ قازاقستان حالقى اسسامبلەياسى كافەدراسىنىڭ مەڭگەرۋشىسى بارحۋدار گۋسەنوۆ قازاق حالقىنىڭ دارحاندىعىن ايتىپ, اق تىلەگىن ارنادى.
جەتىسۋ وبلىسى