ىشكى ىستەر مينيسترلىگىنە قاراستى ۇلتتىق ۇلاننىڭ اسكەري قىزمەتشىلەرى سولتۇستىك قازاقستان وبلىسىنىڭ سۋ تاسقىنىنان زارداپ شەككەن تەپليچنوە جانە بولشايا مالىشكا اۋىلدارىندا قوعامدىق ءتارتىپتى ساقتاۋ جانە ۇرلىق-قارلىقتىڭ الدىن الۋ جۇمىستارىن جالعاستىرىپ جاتىر, دەپ حابارلايدى Egemen.kz.
كۇن سايىن پاترۋلدىك قىزمەت اتقارىپ جۇرگەن 50 اسكەري قىزمەتشىنىڭ باستى مىندەتى – سۋ باسقان اۋماقتارعا رۇقساتسىز ادامداردىڭ كىرۋىنە جول بەرمەۋ, توتەنشە وقيعالار كەزىندە جەدەل ارەكەت ەتۋ. ۇلاندىقتار قوعامدىق ءتارتىپتى ساقتاۋ بارىسىندا جەرگىلىكتى بيلىك وكىلدەرىمەن جانە تج قىزمەتكەرلەرىمەن بىرلەسىپ جۇمىس جۇرگىزىپ جاتىر.
ەسكە سالايىق, 24 ساۋىردەن بەرى ۇلتتىق ۇلان اكادەمياسىنىڭ 800-دەن استام كۋرسانتى مەن 6637 ءبولىمىنىڭ 400-گە جۋىق اسكەري قىزمەتشىسى سقو-دا 200 مىڭنان استام قاپشىق دايىندادى, سالىنعان بوگەتتىڭ جالپى ۇزىندىعى 2 شاقىرىمنان اسىپ وتىر.
سونداي-اق, ەسىل وزەنىنىڭ تاسۋى سالدارىنان بۇزىلعان بولشايا مالىشكا اۋىلى ماڭىنداعى بوگەتتى 6637 اسكەري ءبولىمىنىڭ كۇشتەرى, ناقتى اتاعاندا 100-دەن استام اسكەري قىزمەتكەرى بەكىتۋ جۇمىستارىن جۇرگىزدى. اتالعان جۇمىستار تاۋلىك بويى ۇزدىكسىز اتقارىلىپ, جاعداي وزگەرگەن سايىن جەدەل ارەكەت-قيمىلدارى جۇرگىزىلىپ وتىردى.
سونىمەن قاتار, تابيعي اپاتتىڭ الدىن الۋ ءۇشىن 500-دەن استام ينەرتتى ماتەريال سالىنعان قاپتار دايىندالدى. اسكەريلەر بۇگىن دە تاۋلىك بويى قىزمەت اتقارادى. ولار ازاماتتاردىڭ قاۋىپسىزدىگىن قامتاماسىز ەتىپ, سۋ باسقان اۋماقتارداعى م ۇلىكتى كۇزەتىپ ءجۇر.