جامبىل وبلىسىندا تيپتىك ۇلگىدەگى 40 ۆەتەرينارلىق پۋنكتتىڭ قۇرىلىسى جۇرگىزىلىپ جاتىر. ونىڭ العاشقىسى بايزاق اۋدانىندا پايدالانۋعا بەرىلدى, دەپ حابارلايدى Egemen.kz.
جامبىل وبلىسىنا جۇمىس ساپارىمەن كەلگەن ماجىلىستەگى اگرارلىق ماسەلەلەر كوميتەتىنىڭ توراعاسى مەن مۇشەلەرى, سۋ رەسۋرستارى جانە يرريگاتسيا, اۋىل شارۋاشىلىعى مينيسترلىگىنىڭ وكىلدەرى, سونداي-اق رەسپۋبليكانىڭ باسقا وڭىرلەرىنىڭ ۆەتەرينارلارى اتالعان نىسانمەن جان-جاقتى تانىستى. سونداي-اق دەلەگاتسياعا ۆەتەريناريا سالاسىندا اتقارىلىپ جاتقان جۇمىستار باياندالدى.
وڭىردە 75 ۆەتەريناريالىق پۋنكتتىڭ قاجەتتىلىگى انىقتالعان. وسى ماسەلەنى شەشۋ ماقساتىندا بيىل ەمدەۋ الاڭدارى بار, بىرىڭعاي جاڭا تيپتىك ۇلگىدەگى 40 ۆەتەريناريالىق پۋنكتتىڭ قۇرىلىسىن جۇرگىزۋ جوسپارلانعان, ونىڭ 20-سى مەملەكەتتىك-جەكەمەنشىك ارىپتەستىك اياسىندا بوي كوتەرمەك. 2026 جىلى 35 عيماراتتىڭ قۇرىلىسى جۇرگىزىلەدى.
اۋىل شارۋاشىلىعى ۆيتسە-ءمينيسترى امانعالي بەرداليننىڭ ايتۋىنشا, جامبىل وبلىسى ۆەتەريناريا سالاسىنا جاڭاشىلدىقتار ەنگىزۋ بويىنشا وڭىرلەر اراسىندا كوش باستاپ تۇر. اسىرەسى, ۆەتەريناريالىق پۋنكتتەر سالۋ جوباسى تيىمدىلىگىن كورسەتىپ وتىر.
وبلىستا 2025 جىلى ۆەتەريناريا سالاسىن دامىتۋعا 4,6 ملرد تەڭگە ءبولىندى, بۇل وتكەن جىلمەن سالىستىرعاندا 9 پايىزعا ارتىق. سالادا 1 055 مامان ەڭبەك ەتەدى, سوڭعى ەكى جىلدا جۇمىسشىلاردىڭ جالاقىسى 30 پايىزعا ءوستى. ۆەتەريناريالىق ستانتسيالاردا 316 قىزمەتتىك تەحنيكا بار. بيىل وبلىستىق بيۋدجەت ەسەبىنەن 50 جاڭا اۆتوكولىك ساتىپ الىندى.
بۇدان بولەك, ۆەتەرينارلار 160 دانا تەرموسومكەمەن قامتاماسىز ەتىلدى. 29 ملن تەڭگەگە ماۋسىمدىق قىزمەتتىك كيىم ساتىپ الۋ كوزدەلىپ وتىر. وبلىس اۋماعىندا 48 بيوتەرميالىق شۇڭقىر بار. وسى جىلى 25 شۇڭقىر قۇرىلىسىن جۇرگىزۋ جوسپارلانىپ, 13-ءنىڭ قۇرىلىسى قارقىن العان. قالعان 12 شۇڭقىردىڭ جەر تەلىمى ناقتىلانىپ جاتىر.
جامبىل وبلىسى