سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتىنىڭ (ەتد) ماماندارى بيىل قارجى پيراميدالارىن جاساۋشىلارعا قاتىستى ءۇش قىلمىستىق ءىس قوزعالعانىن جاريالادى. بۇل ىستەردە 800-دەن استام الدانعان «سالىمشى» تىركەلگەن. ال قولدى بولعان قاراجات كولەمى 100 ميلليون تەڭگەدەن اسقان.
ەتد باسقارماسىنىڭ باسشىسى قايرات نۇراحمەتوۆ جۋرناليستەرگە بەرگەن بريفينگتە ءۇش ءىستىڭ بىرەۋى سوتقا جىبەرىلىپ, قالعاندارى ءالى تەرگەلۋدە ەكەنىن جەتكىزدى.
«سوت قاراعان ءىس اكتسيزدەلەتىن تەمەكى ونىمدەرىنىڭ سايكەستەندىرۋ قۇرالدارىنسىز زاڭسىز اينالىمى فاكتىسى بويىنشا ەدى, سوعان قاتىستى ۇكىم شىعارىلدى. تەرگەۋ بارىسىندا 35 مىڭ قوراپ تەمەكى تاركىلەندى. ۇكىم بويىنشا مەملەكەت كىرىسىنە 50 ميلليون تەڭگە تۇراتىن ەكى اۆتوكولىك تاركىلەندى, ولار كەيىن مەملەكەت كىرىسىنە اينالاتىن بولادى. كىنالى ادامدار ءبىر جىل باس بوستاندىعىن شەكتەۋ تۇرىندەگى جازاعا سوتتالدى. الايدا ءالى ۇكىم زاڭدى كۇشىنە ەنگەن جوق», — دەدى ول.
پەتروپاۆل