الماتى قالاسىندا تاكسي جۇرگىزۋشىسىنە كۇش قولدانعان كۇدىكتى قولعا ءتۇستى. بۇل تۋرالى قالالىق پوليتسيا دەپارتامەنتى مالىمدەدى, دەپ حابارلايدى Egemen.kz.
پروكۋراتۋرامەن بىرلەسىپ جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە, 32 جاستاعى ەر ادام 19 جاستاعى قالا تۇرعىنىنا قاتىستى زاڭسىز ارەكەتتەر جاسادى دەگەن كۇدىكپەن ۇستالدى.
«كۇدىكتى پوليتسياعا جەتكىزىلدى. وندا قازىرگى ۋاقىتتا تەرگەۋ امالدارى جۇرگىزىلۋدە. ول ءوز كىناسىن مويىندادى. وسى فاكتى بويىنشا قىلمىستىق ءىس قوزعالدى, تەرگەۋ جالعاسىپ جاتىر», دەلىنگەن حابارلامادا.
الماتى قالالىق پوليتسياسى زاڭ بۇزۋشىلىقتىڭ ءاربىر فاكتىسى ءجىتى باقىلاۋدا بولاتىنىن جانە قۇقىقبۇزۋشىلىقتارعا قاتاڭ زاڭدى باعا بەرىلەتىنىن اتاپ ءوتتى.