ريم پاپاسى فرانتسيسك 89 جاسقا قاراعان شاعىندا كوز جۇمدى. بۇل تۋرالى ۆاتيكاننىڭ ءباسپاسوز قىزمەتى حابارلادى, دەپ جازادى Egemen.kz تاسس اقپاراتتىق اگەنتتىگىنە سىلتەمە جاساپ.
«قۇرمەتتى باۋىرلار مەن اپكەلەر, ءبىزدىڭ ەڭ قاسيەتتى اكەمىز فرانتسيسكتىڭ قايتىس بولعانىن ۇلكەن قايعىمەن حابارلايمىز.
ول عۇمىرىن قۇدايعا جانە ونىڭ شىركەۋىنە قىزمەت ەتۋگە ارنادى», دەدى كاردينال كەۆين فاررەلل.
ونىڭ ايتۋىنشا, ريم پاپاسى 21 ءساۋىر كۇنى ساعات 07:35-تە قايتىس بولعان.
ال ءبىر كۇن بۇرىن ريم پاپاسى فرانتسيسك پاسحا مەرەكەسىندە بوي كورسەتكەن. الەمدىك باق ونىڭ سول ساتتە وتە ءالسىز كورىنگەنىن اتاپ ءوتىپ جاتىر.
ايتا كەتەيىك, ريم پاپاسى فرانتسيسك قازاقستانعا العاش رەت اپوستولدىق ساپارمەن 2022 جىلدىڭ 13 قىركۇيەگىندە كەلگەن بولاتىن.