بيىلدان باستاپ سولتۇستىكقازاقستاندىق جول ساقشىلارى قوعامدىق ءتارتىپ پەن جول ەرەجەسىنىڭ ساقتالۋىن درونمەن باقىلايتىن بولدى.
قالانىڭ ىشىندە بەينەكامەرالار ورناتىلماعان جەرلەردەگى جول ءتارتىبىن ەندى دروندار بىردەن كورسەتەدى. ولار ءتىپتى قوعامدىق جەردە تەمەكى شەككەندەردى, اباتتاندىرىلعان ايماقتارعا قوقىس تاستاعانداردى دا بىردەن كورسەتە الادى. سونىمەن قاتار ماشينانىڭ رولىندە وتىرىپ تەلەفونمەن سويلەسكەندەردى, قاۋىپسىزدىك بەلدەمشەسىن تاقپاعانداردى دا ءتۇسىرىپ وتىرادى.
ال جازىق دالاداعى جولداردا قاۋىپتى الاڭداردا قارسى بەتكە شىعىپ كەتكەندەردى, دۇرىس مانەۆر جاساماعانداردى دا قۇتقارماي, بەينەتۇزاققا ءتۇسىرىپ الادى.
جول ءتارتىبىن باقىلاۋشىلار درونداردىڭ جۇمىسىن جوعارى باعالاۋدا.
سولتۇستىك قازاقستان وبلىسى