بوكستان ايەلدەر اراسىندا قاراعاندىدان شىققان تۇڭعىش الەم چەمپيونى ايدا ابىكەەۆاعا قاراعاندى وبلىستىق بوكس فەدەراتسياسى اۆتوكولىك مىنگىزدى, دەپ حابارلايدى Egemen.kz.
«قاراعاندى وبلىسىنىڭ بوكس فەدەراتسياسى اتىنان كامالۋتين حاليكوۆ الەم چەمپيونى ايدا ابىكەەۆاعا تاماشا سىيلىق – جاڭا اۆتوكولىكتىڭ كىلتىن تابىستادى. بۇل – ونىڭ ەرەن ەڭبەگى, جىگەرى مەن تاباندىلىعى ءۇشىن لايىقتى ماراپات. ايدانىڭ بۇل جەتىستىگىنە شىن جۇرەكتەن قۋانىپ, قازاقستاندى الەمدىك ارەنادا لايىقتى تانىتىپ جۇرگەن دارىندى سپورتشىمىزبەن ماقتانامىز. بۇل جەڭىس – ۇلكەن جولدىڭ باستاۋى عانا بولسىن, الداعى ماقسات – وليمپيادا التىنى بولعاي!», دەپ حابارلادى بوكس فەدەراتسياسى.