ورال قالاسىندا ادامداردى قورقىتىپ, اقشا بوپسالاۋمەن اينالىسقان 33 جاستاعى تۇرعىن ۇستالدى, دەپ جازادى Egemen.kz اقپارات اگەنتتىگى.
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي, كۇدىكتى الەۋمەتتىك جەلىدە جالعان اككاۋنت اشىپ, ءوزىن ايەل رەتىندە كورسەتىپ, جابىرلەنۋشىلەرمەن تانىسقان.
- كەزدەسۋدە ءوزىن قۇقىق قورعاۋ ورگاندارىنىڭ قىزمەتكەرى رەتىندە تانىستىرىپ, ولاردىڭ ءىس-ارەكەتى زاڭسىز ەكەنىن ايتىپ, قورقىتىپ, اقشا بوپسالاعان. وسىلايشا, جابىرلەنۋشىلەر وعان 3 ملن تەڭگەدەن استام اقشا بەرگەن. كۇدىكتى قولعا ءتۇسىپ, 3 ەپيزود بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر, - دەپ حابارلادى ۆەدومستۆودان.
جالپى, بقو-دا ينتەرنەت-الاياقتىق قىلمىسى 27,7 پايىزعا وسكەن.