قايعىلى جاعداي 8 ساۋىردەن 9 ساۋىرگە قاراعان ءتۇنى, شامامەن 01:30 شاماسىندا الاتاۋ اۋدانىندا بولعان, دەپ حابارلايدى Egemen.kz
قالالىق پوليتسيا دەپارتامەنتىنىڭ مالىمەتىنشە, موتوتسيكل جۇرگىزۋشىسى رىسقۇلوۆ داڭعىلىمەن باتىس باعىتتا قوزعالىپ بارا جاتىپ, سول باعىتتا كەتىپ بارا جاتقان Mercedes كولىگىمەن سوقتىعىسقان.
«كەيىن موتوتسيكل جۇرگىزۋشىسى قوزعالىسىن جالعاستىرىپ, جولدا جۇمىس ىستەپ جۇرگەن ءۇش ادامدى – ەكى ەر ادام مەن ءبىر ايەلدى قاعىپ كەتكەن. وكىنىشكە قاراي, ەكى ەر ادام وقيعا ورنىندا جان تاپسىردى», دەلىنگەن حابارلامادا.
زارداپ شەككەن ايەل اۋىر جاعدايدا قالالىق اۋرۋحانالاردىڭ بىرىنە جەتكىزىلگەن.
اتالعان جول-كولىك وقيعاسى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.