بولات شار وندىرەتىن زاۋىت

وسىدان ءۇش جىل بۇرىن جەتىسۋ وبلىسى قۇرىلعان شاقتا ءوڭىر­دىڭ ەكونوميكالىق قۋاتىن ەسكەرە وتىرىپ, چيليلىك كاسىپكەرلەر سە­رىكتەس بولۋعا نيەتتى ەكەنىن جەتكىزگەن.

«سىزدەرمەن سەرىكتەس بولۋعا پەيىلدىمىز. دەگەنمەن كوروناۆيرۋستى جانە باسقا دا سەبەپتەردى العا تارتىپ, كەي جوبالاردىڭ ىسكە اسىرىلۋىن ۇزاتىپ العان ينۆەستورلار دا بار. بىزگە جوبالار­دىڭ ۋاقىتىندا جۇزەگە اسىرىل­عانى جانە ونىڭ ءوز تيىمدىلىگىن كورسەتكەنى كەرەك. ول ءۇشىن ءبىز جەرگىلىكتى اتقارۋشى ورگانعا قاتىستى جۇمىستاردى دەر كەزىندە اتقارۋعا مۇددەلىمىز. ءوزىڭىز اتاپ وتكەن بارلىق قۇجاتتىق راسىم­دەر اياقتالعاندا تاعى ءبىر كەزدەسىپ, جوبانىڭ جاي-جاپسارىن ەگ­جەي-تەگجەيلى تالقىلاۋعا ءازىرمىز», دەگەن ەدى وبلىس اكىمى ب.يساباەۆ سول تۇستا.

مىنە, بۇگىندە سول جوبانى جۇ­زەگە اسىرۋ ماقساتىندا استانا قالاسىندا «KAZ Minerals توبى» مەن چيليلىك «Compania Electro Metalurgica SA» (ME Elecmetal) كەلىسىمشارتقا قول قويدى. اتال­عان رەسمي شاراعا ەلىمىزدىڭ ونەر­كاسىپ جانە قۇرىلىس مي­نيسترلىگىنىڭ باسشىلىعى, ەلشى­لىك وكىلدەرى, كومپانيالار قىز­مەتكەرلەرى, جەتىسۋ وبلىسى اكىمىنىڭ ورىنباسارى اسەت قاناعاتوۆ قاتىستى. ءا.قاناعا­توۆ جوبانى ىسكە اسىرۋ­دىڭ بارلىق كەزەڭىندە جەرگىلىك­تى اتقارۋشى ورگان تاراپىنان زاڭ اياسىندا قاجەتتى قولداۋ كور­سەتىلەتىنىن جەتكىزدى.

«جەتىسۋ ايماعىنىڭ لوگيس­تيكالىق مۇمكىندىكتەرى مول. «تال­دىقورعان» يندۋستريالدى ايماعىندا ءوندىرىستى دامىتۋعا قاجەتتى بارلىق ينفراقۇرىلىم جۇيەلەرى جاسالعان. بۇل ءوز كەزە­گىندە ءوڭىردىڭ ينۆەستيتسيالىق تارتىمدىلىعىن ارتتىرۋعا مۇم­كىندىك بەرەدى. جوبانىڭ ايماق­قا تيىمدىلىگى تۇرعىسىنداعى بىر­قاتار جايتتار پىسىقتالدى. ءوز تاراپىمىزدان قاجەتتى قولداۋ كورسەتەمىز. جاڭا زاۋىت ءوڭىردىڭ ەكونوميكالىق قۋاتىن ارتتىرۋدا كوپ كومەك بولادى دەگەن ويدامىن», دەيدى ءا.قاناعاتوۆ.

«ME-Elecmetal» كومپانيا­سى – تاۋ-كەن ءوندىرىسى سالاسىندا ديىر­مەن قاپتامالارىن شىعا­رۋ­دا وندىرىستىك قۋاتى مەن ءونىم شىعارۋ كولەمى جاعىنان الەم­دە كوشباسشى. كومپا­نيا شيكىزاتتى قىتايداعى كەن ورنىنان تاسىمالداپ, جەتىسۋ وڭىرىندە وڭدەۋ ىسىمەن اينالىسپاق. ولاردىڭ ­جىلىنا 100-140 مىڭ توننا جوعارى ساپالى ءونىم ءوندىرۋ جوس­پارى بار.

«KAZ Minerals» كومپانياسى­مەن كەلىسىمشارت جاسادىق. سىز­دەرگە ۇسىنىلىپ وتىرعان جوبامىزدى ديرەكتورلار كەڭەسى بىزگە بەكىتىپ بەردى. سودان كەيىن ناقتى قادامدار جاسالادى. جاھاندىق پاندەميا سالدارىنان كوپتە­گەن جوبا كەشىگىپ جۇزەگە اسىپ جاتىر. جەتىسۋ – ينۆەستورلارعا قولايلى ايماق. جاڭا باستاما ءوز جەمىسىن بەرەتىنىنە سەنىمدىمىن», دەيدى «ME-Elecmetal» بىرلەسكەن كومپانياسىنىڭ وكىلى, ۇساتۋ ءبولى­مىنىڭ اعا اتقارۋشى ۆيتسە-پرە­زيدەنتى زەن جۋ مىرزا.

جوباعا قاتىستى جۇمىس وبلىس باسشىلىعى تاراپىنان بىلتىردان بەرى جۇرگىزىلىپ كەلەدى. وبلىستىق كاسىپكەرلىك جانە ين­دۋستريالىق-يننوۆاتسيالىق دا­مۋ باسقارماسىنىڭ اقپاراتى­نا قاراعاندا, جاڭا زاۋىت تالدى­قورعان قالاسىندا سالىنادى. ەكسپورتقا باعىتتالعان كاسىپورىن 2028 جىلى ىسكە قوسىلۋى مۇمكىن. زاۋىت شىعاراتىن تەگىستەۋ شارلارى كەربۇلاق اۋدانىنداعى «شوعىرلاندىرىلعان قۇرىلىس تاۋ-كەن كومپانياسى» جشس مەتال­لۋرگيالىق كومبيناتىنىڭ مىس جانە مىس ونىمدەرىن ءوندىرۋى بارىسىندا دا قولدانىلماق.

جەتىسۋ وبلىسى