استانادا ناۋرىز مەرەكەسىنە وراي بەرىلگەن دەمالىس كۇندەرى پوليتسەيلەر الكوگولدىك ماساڭ كۇيدە بولعان 31 جۇرگىزۋشىنى انىقتادى. ولاردىڭ ەكەۋى قاماۋعا الىندى, دەپ حابارلايدى Egemen.kz.
باۋىرجان مومىش ۇلى داڭعىلىندا جۇرگىزىلگەن رەيد بارىسىندا پوليتسيا قىزمەتكەرلەرى Haval ماركالى كولىگىن توقتاتتى. جۇرگىزۋشىنىڭ جۇرگىزۋشى كۋالىگى جوق ادام بولىپ شىقتى. ال كولىك يەسى ونىڭ جولاۋشىسى بولىپ شىقتى, ول دا ماس بولعان.
«مەديتسينالىق ساراپتاما ەكەۋىنىڭ دە ماس بولعانىن راستادى. سوت كولىك يەسىن 15 تاۋلىككە قاماۋعا الىپ, 7 جىلعا جۇرگىزۋشى كۋالىگىنەن ايىردى. ال كولىكتى باسقارعان ازامات 20 تاۋلىككە قاماۋعا الىندى», - دەدى قالالىق پد اگەنتتىك ءتىلشىسىنىڭ ساۋالىنا.