سولتۇستىك قازاقستان وبلىسىنىڭ پروكۋرورلارى قۇنى 26,7 ميلليارد تەڭگەنى قۇرايتىن تەكە كولىن مەملەكەتكە قايتاردى, دەپ جازادى Egemen.kz.
2020 جىلى اس تۇزىن وندەۋگە ارنالعان كەلىسىمشارت شەڭبەرىندە جەرگىلىكتى اتقارۋشى ورگاندار جەر قويناۋىن پايدالانۋشىعا جالپى اۋدانى 21,5 مىڭ گا تەكە كولىن بەرگەن.
2022 جىلى جەر قويناۋىن پايدالانۋعا ارنالعان كەلىسىمشارتتىڭ توقتاتىلسا دا, ۋاكىلەتتى ورگان ەكى جىلدان استام ۋاقىت بويى سوتقا دەيىنگى تارتىپپەن شارتتى بىرجاقتى بۇزۋ جونىندە شارالاردى قابىلداماعان. وسىلايشا سۋ قورىنىڭ جەرلەر ماقساتسىز پايدالانىلعان. بۇدان بولەك, شارۋاشىلىق جۇرگىزۋشى سۋبەكتىسى قۇزىرەتتى ورگاننىڭ رەسمي سايتىندا جەر قويناۋىن پايدالانۋشىلاردىڭ تىزىلىمىنەن الىنباي «جەر قويناۋى جانە جەر قويناۋىن پايدالانۋ تۋرالى» كودەكستىڭ تالاپتارى بۇزىلعان. مامانداندىرىلعان تابيعات قورعاۋ پروكۋرورى جەر ۋچاسكەسىن جالداۋ شارتىن سوتقا دەيىنگى تارتىپپەن بىرجاقتى بۇزدى. كاداسترلىق قۇنى 26,7 ملرد تەڭگەنى قۇرايتىن جالپى اۋدانى 21,5 مىڭ گا اششى, تۇزدى تەكە كولى مەملەكەتتىك مەنشىككە قايتارىلدى. قۇزىرەتتى ورگاننىڭ ينتەرنەت-رەسۋرستارىنداعى مالىمەتتەر سايكەستەندىرىلىپ, كىنالى لاۋازىمدى تۇلعالار تارتىپتىك جاۋاپكەرشىلىككە تارتىلعان.