قاسيەتتى رامازان ايىنىڭ باستالۋىنا دا ساناۋلى كۇندەر قالدى. 1 - 29 ناۋرىز ارالىعىندا الەم مۇسىلماندارى اۋىز بەكىتىپ, 30 ناۋرىزدا ورازا ايت مەيرامىن اتاپ وتەدى, دەپ جازادى Egemen.kz.
بۇگىن الماتى قالاسىنىڭ باس يمامى تولەبي قاجى وسپان وڭىرلىك كوممۋنيكاتسيالار قىزمەتى الاڭىندا: «رامازان – سابىر, يگى ىستەر جانە رۋحاني كەمەلدەنۋ ايى. ورازا – تەك تاماق پەن سۋدان تىيىلۋ عانا ەمەس, جان دۇنيەنى تازارتىپ, ءناپسىنى تاربيەلەۋ», دەدى.
مەگاپوليستىڭ باس يمامى بارلىق مەشىتتەردە تاراۋيح نامازدارى وقىلىپ, قۇران حاتىم تۇسىرىلەتىنىن ەسكە سالدى.
جاماعاتقا جايلى بولۋى ءۇشىن الماتى ورتالىق مەشىتىندە «رامازان شاتىرىن» ورناتۋ جوسپارلانىپ وتىر. وندا كۇن سايىن 450 ادامعا تەگىن اۋىزاشار بەرىلەدى.
سونىمەن قاتار, ءتۇرلى دارىستەر مەن رۋحاني كەزدەسۋلەر ۇيىمداستىرىلادى.
يمام كاسىپكەرلەرگە ۇندەۋ تاتساپ, قاسيەتتى ايدىڭ قۇرمەتىنە الەۋمەتتىك ماڭىزى بار تاۋارلار مەن ازىق-ت ۇلىك باعاسىن 10%-عا ارزانداتۋدى سۇرادى. سونىمەن قاتار, تۇرعىندارعا قاسيەتتى ايدا الكوگول ونىمدەرىن ساتۋدان جانە ىشۋدەن باس تارتۋ ۇسىنىلدى.
اي بويى قالا مەشىتتەرىندە ءدىني دارىستەر, ءتۇسىندىرۋ جۇمىستارى جانە مەرەكەلىك شارالار وتەدى. ولاردىڭ ىشىندە رۋحاني داستۇرلەردى جانداندىرۋعا باعىتتالعان «جاراپازان-Party» بايقاۋى دا بار.