رەسمي دەرەككە جۇگىنسەك, 1991 جىلدان بۇگىنگى كۇنگە دەيىن 19811 وتباسىدان قۇرالعان 65405 قانداس جامبىل وبلىسىنا قونىس اۋدارعان, دەپ حابارلايدى Egemen.kz.
جامبىل وبلىسى اكىمدىگى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى سامات تورەگەلديەۆ كەلتىرگەن دەرەك بويىنشا, وڭىرگە وتكەن جىلى كەلگەن قانداستاردىڭ 88,7 پايىزى كورشىلەس وزبەكستان رەسپۋبليكاسىنان قونىس اۋدارسا, 4, 3 پايىزى قىرعىز رەسپۋبليكاسىنان, قالعان 6 پايىزى وزگە مەملەكەتتەردەن كەلىپتى.
«703 وتباسىدان قۇرالعان 1198 ازاماتقا قانداس مارتەبەسى بەرىلدى. سونداي-اق, 95 وتباسىدان تۇراتىن 116 ادامعا قانداس مارتەبەسى ۇزارتىلدى. پرەزيدەنت تاپسىرماسىنا سايكەس 2023 جىلدىڭ شىلدەسىنەن باستاپ, شەتەلدە تۇرىپ جاتقان قازاقتارعا ارنالعان ارنايى «اتا جولى» كارتالارىن بەرۋ ءۇردىسى قولعا الىندى. الايدا ازىرگە وبلىسقا «اتا جولى» باعدارلاماسى اياسىندا ەتنيكالىق قانداستار ءوتىنىش بىلدىرمەگەن. اتالعان كارتانىڭ باستى باسىمدىقتارىنىڭ قاتارىنا شەتەلدەگى ۇلتى قازاق اعايىندارىمىزدىڭ 10 جىلعا دەيىن ءبىزدىڭ ەلدە تۇرۋعا جانە جۇمىس ىستەۋگە, الەۋمەتتىك كومەكتەر, تەگىن ءبىلىم الۋعا, بيزنەس اشۋعا كەلگەن ەلىنەن ازاماتتىعىن ساقتاي وتىرىپ جۇمىس جۇرگىزۋگە مۇمكىندىك بەرەدى», دەيدى س. تورەگەلديەۆ.